கோவை: பொள்ளாச்சியை அடுத்த புரவிபாளையத்தை சேர்ந்த கூலி தொழிலாளி மனோகரன். இவர் வளர்க்கும் ஒரு கோழி ஒன்பது முட்டைகள் இட்டு, குஞ்சு பொரித்தது. அதில், ஒரு குஞ்சு மட்டும் நான்கு கால்களுடன் வித்தியாசமாக உள்ளது. சாதாரண கோழிகளுக்கு இருப்பது போன்று அடிப்பகுதியில் இரண்டு கால்களும், இறக்கையின் பின்புறத்தில் இரண்டு கால்களும் சேர்ந்து, அந்த கோழிக்குஞ்சுக்கு நான்கு கால்கள் உள்ளன. "நான்கு கால்கள் உள்ள இந்த கோழிக்குஞ்சை தாய் கோழி உடன் சேர்ப்பதில்லை. மற்ற கோழிகளும் இந்த கோழிக்குஞ்சை சேர்க்காமல் விரட்டுகின்றன.
அதனால், கூட்டத்தை விட்டு தனித்தே இந்த கோழி குஞ்சு சுற்றி வருகிறது. வேகமாக ஓட முடியாததால், தீவனம் வைத்த உடன் மற்ற கோழிக் குஞ்சுகளைப் போல வேகமாக ஓடிவந்து சாப்பிட முடிவதில்லை. இதனால், மற்ற கோழிக் குஞ்சுகள் தீவனத்தை சாப்பிட்டு விடுகின்றன. எனவே, நாலு கால் கோழிக்குஞ்சை தனியாக பராமரிக்க வேண்டியுள்ளது' என்கிறார்
மனோகரன்.
No comments:
Post a Comment