மரபு அணுவின் தாக்கத்தால் பேத்திகளை அதிகம் நேசிக்கும் பாட்டிகள்: ஆராய்ச்சியில் தகவல்

பொதுவாக பாட்டிக்கு தஙகளது பேரன்களை விட பேத்திகளைத்தான் அதிகம் பிடிக்கும். இதற்கு அறிவியல் காரணங்கள் இருக்கின்றன என்று ஆராய்ச்சியாளர்கள் கண்டுபிடித்து உள்ளனர்.

லண்டன் கேம்பிரிட்ஜ் பல்கலைக்கழக விஞ்ஞானிகள் இதுபற்றி ஒரு ஆய்வு நடத்தினார்கள். ஒரு பெண்ணுக்கு மகன் மூலம் பேரன், பேத்திகள் பிறக்கும்போது அந்த பெண்ணின் குரோமசோம்களின் ஒரு பகுதி பேரன் பேத்திக்கு செல்கிறது.

அதாவது பெண்ணுடைய ஒய் குரோமசோமில் 31 சதவிதம் பேத்திக்கும், 23 சதவீதம் பேரனுக்கும் செல்கிறது.

பேரனுக்கு செல்லும் குரோமசோமின் அளவை விட பேத்திக்கு செல்லும் குரோமசோம் அளவு அதிகமாக இருக்கிறது.

எனவேதான் பேரனை விட பேத்தி மீது பாட்டிக்கு பாசம் அதிகமாக உள்ளது. இந்த குரோமசோமால் பேத்தி உடலில் இருந்து வரும் ஒருவித வாசனை பாட்டியை ஒத்து இருக்கிறது. அதே போல் பேத்திகளின் உடல் ரீதியான நடவடிக்கைகளும் பாட்டியை ஒத்து இருக்கிறது. இதனால் பேத்தி மீது பாட்டிக்கு தன்னை அறியாமலேயே ஒருவித ஈர்ப்பு ஏற்படுகிறது. அதே போல பேத்திக்கும் பாட்டி மீது ஈர்ப்பு ஏற்படுகிறது.

அதே நேரத்தில் மகள் மூலம் பிறக்கும் பேரன்- பேத்திகளுக்கு பாட்டியிடம் இருந்து தலா 25 சதவீத குரோமசோம் செல்கிறது. எனவே மகள் வயிற்று பேரன்- பேத்திகள் மீது பாட்டிக்கு சம அளவில் மட்டுமே பாசம் இருக்கும்.
ரத்த உறவுகளில் ஒருவர் மீது ஒருவர் காட்டும்பாசத்துக்கும் மரபு அணுவே காரணம் என்று அந்த விஞ்ஞானிகள் தெரிவிக்கின்றனர்.

Source: http://www.maalaimalar.com

பிரித்வி-2 ஏவுகணை சோதனை முழு வெற்றி

பாலாசூர்: ஒரிசா மாநிலம் பாலாசூர் மாவட்டம், சந்திப்பூர் கடல் பகுதியில், ஒரு தளத்தில் இருந்து மற்றொரு தளத்தின் இலக்கை நோக்கிச் சென்று தாக்கும், பிரித்வி-2 ஏவுகணை வெற்றிகரமாக சோதனை செய்யப்பட்டது.
இதுகுறித்து அதிகாரிகள் கூறியதாவது: பிரித்வி -2 ஏவுகணை மொபைல் லாஞ்சர் மூலம் சோதனை செய்யப்பட்டது. இது, 250 கி.மீ., முதல் 300 கி.மீ., தூரம் சென்று தாக்கும் திறன் கொண்டது. நம் நாட்டின் போர்த்திறன் நடவடிக்கைகளை மேம்படுத்தவே, இந்த ஏவுகணை வடிவமைக்கப்பட்டுள்ளது. 700 கி.கி., எடையுடன், 250 கி.மீ., சென்று தாக்கும் திறன் கொண்ட இந்த, ஏவுகணையின் எடையை 1,000 கி.கி., வரை அதிகரிக்கலாம். இவ்வாறு அவர்கள் தெரிவித்தனர். கடந்த 1988ம் ஆண்டு, பிப்ரவரி மாதம் 22ம் தேதி, ஆந்திராவின் ஸ்ரீஹரிகோட்டாவில் இருந்து, முதன் முதலில் பிரித்வி ஏவுகணை சோதனை செய்யப்பட்டது. அதன் பின், பல்வேறு ஏவுகணைச் சோதனைகள் நடத்தப்பட்டன.
source: www.dinamalar.com

தலை மட்டும் பெரிதாகும் குழந்தை

பெங்களூரு: பிறந்து ஏழு மாதமே ஆன குழந்தையின் தலை நாளுக்கு நாள் பெரிதாவதால் மருத்துவத் துறையினருக்கு பெரும் சவால் ஏற்பட்டுள்ளது. "குணப்படுத்த முடியாது' என்று டாக்டர்கள் பலரும் கை விரித்து விட்டனர். பெங்களூரு சிவாஜி நகர் காளியம்மன் கோவில் தெருவைச் சேர்ந்தவர் பிரேம்குமார் (28). இந்திரா நகர் தனியார் கம்பெனியில் ஆபீஸ் பாயாக வேலை செய்து வருகிறார். அவரது மனைவி விஜயலட்சுமி (22). இருவருக்கும் மூன்று ஆண்டுக்கு முன் திருமணம் நடந்தது.
விஜயலட்சுமி சென்னை பெரம்பூரைச் சேர்ந்தவர். அவர்களுக்கு முதலில் ரித்திக் (2) என்ற மகன் பிறந்தான். அதையடுத்து ஏழு மாதம் முன் பெண் குழந்தை ஒன்று மருத்துவமனையில் பிறந்தது. பிறக்கும் போதே குழந்தையின் தலை பெரிதாக இருந்தது. "தலையில் நீர் வைத்துள்ளது, சிகிச்சை செய்தால் சரியாகும்' என்றும் டாக்டர்கள் கூறினர். பெண் குழந்தைக்கு ரூபா என்று பெயர் சூட்டினர். குழந்தையின் தலை மட்டும் நாளுக்கு நாள் பெரிதாகிக்கொண்டே செல்கிறது. அதனால் பெற்றோர் மிகுந்த மனவருத்தமடைந்தனர்.
பால், தண்ணீர் போல திரவ உணவுகளை மட்டுமே சாப்பிட முடியும். திட உணவுகளை சாப்பிட முடியாது. தலைக்கு கீழே உள்ள பகுதிகள் எந்தவித வளர்ச்சியும் இல்லாமல் அசைவற்று இருக்கிறது. பிறக்கும் போது 3.4 கிலோ எடை கொண்டதாக இருந்தது. தலை கொஞ்சம் கொஞ்சமாக வளரத் தொடங்கியது. தற்போது எட்டு கிலோ எடை கொண்டதாக உள்ளது. அதிர்ச்சியடைந்த ரூபாவின் பெற்றோர், பெங்களூரு நிமான்ஸ் மருத்துவமனைக்கு கொண்டு சென்றனர். டாக்டர்கள் தீவிரமாக பரிசோதித்தனர்.
குழந்தை அருந்தும் பால், தண்ணீரில் 10 சதவீதம் மட்டுமே வயிற்றுக்குள் செல்கிறது. மீதம் உள்ள 90 சதவீதம், தலைக்குள் சென்று சேருவதால் தலை நாளுக்கு நாள் வளர்ந்து வருவதாக தெரிவித்தனர். அதை ஆபரேஷன் மூலம் குணப்படுத்துவது மிகவும் கடினம். அப்படியும் ஆபரேஷன் செய்தால், உயிர் பிழைக்க 10 சதவீதம் மட்டுமே சாத்தியம் என்று டாக்டர்கள் கைவிரித்துவிட்டனர். குழந்தை ரூபாவின் கண்பார்வையும் நாளுக்கு நாள் தெரியாமல் போனது.
பெங்களூரில் உள்ள செயின்ட் ஜான்ஸ் மருத்துவமனைக்கு குழந்தையை கொண்டு சென்றனர். அங்கும், "குணப்படுத்த முடியாது' என்று டாக்டர்கள் கைவிரித்து விட்டனர். ஆனாலும், மனம் தளறாத ரூபாவின் பெற்றோர், சென்னை பேபி மருத்துவமனை, வேலூர் சி.எம்.சி., ஆந்திராவில் உள்ள குப்பம் மருத்துவமனை, மும்பையிலுள்ள சில மருத்துவமனைகளில் சிகிச்சைக்கு கொண்டு சென்றனர். அனைத்து டாக்டர்களும், "குணப்படுத்த முடியாது' என்ற ஒரே பதிலையே கூறினர்.
தற்போது குழந்தையின் தலை, அதன் உருவத்தை விட பல மடங்கு பெரியதாக உள்ளது. குழந்தையை குணப்படுத்த ரூபாவின் பெற்றோர், ஏழ்மை நிலையிலும் லட்சக்கணக்கில் செலவு செய்து விட்டனர். தற்போது செய்வதறியாமல் திகைத்து நிற்கின்றனர். ரூபாவுக்கு என்ன நோய் என்பது குறித்து அவரை பரிசோதித்த டாக்டர் ராய் கூறுகையில், ""இந்த குழந்தைக்கு வந்துள்ளது "பிரைன் மேன்டல்' என்று பெயர். அதை குணப்படுத்துவது கடினம். குழந்தையால் திட உணவு சாப்பிட முடியாது. திரவ உணவு மட்டுமே சாப்பிட முடியும். அதுவும் 90 சதவீதம் தலைக்குள் சென்று விடுகிறது. 10 சதவீதம் மட்டுமே வயிற்றுக்குள் செல்கிறது.
""ஏற்கனவே தமிழகத்திலும், அசாம் மாநிலத்திலும் இதுபோன்ற குழந்தைகள் பிறந்துள்ளன. அந்த குழந்தைகளை ஆபரேஷன் மூலம் குணப்படுத்தியுள்ளனர். இந்த குழந்தைக்கு உள்ள பிரச்னை, மற்ற இரு குழந்தையை காட்டிலும் வித்தியாசமானது. இக்குழந்தை மருத்துவ உலகிற்கே சவாலாக விளங்குகிறது. எத்தனை நாள் உயிர் வாழுமோ, அதுவரை தலை பெரிதாகிக் கொண்டே செல்லும்,'' என்றார்.

பணக்காரர் - ஏழைகள் இறப்பு இடைவெளி 40 ஆண்டு

புதுடில்லி: பணக்காரர்கள் அதிக ஆண்டுகள் உயிர் வாழ்கின்றனர்; ஏழைகள் முன்னதாகவே இறக்கின்றனர். பணக்காரர்கள் - ஏழைகள் இறப்பு இடைவெளி 40 ஆண்டுகள்! - உலக சுகாதார அமைப்பு மேற்கொண்ட ஆய்வில் இந்த தகவல் தெரியவந்துள்ளது. பல நாடுகளில் எடுக்கப்பட்ட சர்வேயில் தெரியவந்த தகவல்கள்: ஜப்பானியர் தான் அதிக ஆண்டுகள் வாழ்கின்றனர்; இவர்களின் சராசரி அதிகபட்ச ஆயுள் 81 ஆண்டு ஆறு மாதம். மிகவும் குறைவான ஆண்டுகள் வாழ்பவர்கள் ஜாம்பியா மக்கள். இவர்களின் சராசரி வாழ்நாள் 32 ஆண்டுகள் எட்டு மாதங்கள். உலக நாடுகளில் நடத்தப் பட்ட சர்வேயின் அடிப்படையில் பார்த்தால், சர்வதேச அளவில் மக்களின் சராசரி வாழ்நாள் 67 ஆண்டுகள். இந்தியாவில், இந்த சராசரி வாழ்நாள் 63 ஆண்டு. ஆண்களுக்கு சராசரி வாழ்நாள் 62; பெண்களுக்கு 64 ஆண்டு.

ஏழை மக்களுக்கு அரசு சுகாதார செலவுகளை செய்வதில் நாட்டுக்கு நாடு வித்தியாசப்படுகிறது. ஒருவருக்கு குறைந்தபட்சம் ஆண்டுக்கு 800 ரூபாய் செலவு செய்யப்படுகிறது. ஏழை நாடுகளில் உள்ள நிலை இது. அதுவே, பணக்கார நாடுகளில் அதிகபட்சமாக ஒருவருக்கு செலவிடப்படும் ஆண்டு தொகை மூன்று லட்சம் ரூபாய். ஆனால், இப்போதுள்ள பொருளாதார நெருக்கடி சூழ்நிலையில், பணக்கார நாடுகளிலும் ஏழைகளுக்கு ஒதுக்கப்படும் சுகாதார செலவு குறைந்துவருகிறது. அரசு உதவி பெறாமல், தாங்களாகவே சுகாதார செலவுகளை செய்யும் ஏழை, நடுத்தர மக்களின் எண்ணிக்கை 560 கோடி. அரசு உதவி குறைவதால், இவர்களின் எண்ணிக்கை 10 கோடி அதிகரிக்கும் என்று கணக்கிடப்பட்டுள்ளது. இந்தியாவில் சுகாதாரத்துக்கு அரசு செய்யும் செலவை விட, மக்களில் அவரவர் தங்கள் பட்ஜெட்டில் செலவு செய்வது தான் அதிகம். அரசின் மொத்த சுகாதார செலவு, மொத்த உள்நாட்டு உற்பத்தி அளவில் வெறும் ஒரு சதவீதம் தான். ஆனால், மக்கள் செலவு செய்வது, மொத்த உள்நாட்டு உற்பத்தியில் 5 சதவீதம் என்பது குறிப்பிடத்தக்கது. தாய், சேய் நல சுகாதார திட்டங்களை செயல்படுத்துவதில், இந்தியா, அதற்கு நிகரான பொருளாதார நாடுகளை விட பின்தங்கியுள்ளது. இந்தாண்டு, உலகம் முழுவதும் 13 கோடியே 60 லட்சம் பெண்கள், குழந்தை
பெறப்போகின்றனர். அவர்களில் ஐந்து கோடியே 80 லட்சம் பேருக்கு தாய், சேய் நல உதவிகள் கிடைப்பதில்லை. பல நாடுகளில் அதற்கு போதுமான நிதி இல்லை.

இந்தியாவில், 43 சதவீத பெண்களுக்கு சுகாதார உதவியை அரசால் கொடுக்க முடியாத நிலையில் நிதி பற்றாக்குறை உள்ளது. இவர்கள் தாங்களே செலவு செய்து கொள்வதுடன்,போதுமான சுகாதார வசதிகளை பெற முடியாமல் கஷ்டப்படுகின்றனர். இந்தியாவை பொறுத்தவரை, நகரங்களில் வாழும் பெண்களில் 75 சதவீதம் பேர் சுகாதார வசதிகளை பெறுகின்றனர்; கிராமங்களில் உள்ள பெண்களில் 39 சதவீத பேருக்கு தான் சுகாதார வசதி கிடைக்கிறது. இன்னமும் கூட, 59 சதவீத பெண்கள்,வீட்டில் தான் பிரசவம் பார்த்துக்கொள்ள வேண்டிய நிலையில் உள்ளனர். இப்படிப்பட்ட நிலை, இந்தியாவில் மட்டுமல்ல, ஆப்ரிக்க நாடுகளில் பலவற்றில் உள்ளது. கென்யாவில் ஐந்து வயதுக்கு கீழ் இறக்கும் குழந்தைகள் எண்ணிக்கை அதிகம்.

மொபைலில் அதிக நேரம் பேசுபவர்களுக்கு தோல் நோய் வரும் : பிரிட்டிஷ் டாக்டர்கள் தகவல்

லண்டன் : இப்போது மொபைல் போன் என்பது நம் வாழ்க்கையில் இன்றியமையாத ஒரு பொருளாகி விட்டது. அது இல்லை என்றால் அன்றைய நாள் எப்படி இருக்கும் என்பதை நினைத்து பார்க்கவே முடியாது என்று சொல்லும் அளவுக்கு முக்கிய பொருளாகி விட்டது. ஆனால் அதை உபயோகிப்பவர்களுக்கு தோல் அரிப்பு நோய் வரும் வாய்ப்பு இருப்பதாக பிரிட்டிஷ் ஆராய்ச்சியாளர்கள் தெரிவித்திருக்கிறார்கள். பிரிட்டிஷ் டெர்மடாலஜிஸ்டுகள் அசோசியேஷனை சேர்ந்த டாக்டர்கள் குழு வெளியிட்ட அறிக்கையில் நிக்கல் கோட்டிங் இருக்கும் மொபைல் ஹேண்ட்செட்டை உபயோகிப்பவர்களுக்கு நிக்கலால் ஏற்படும் அலர்ஜி காரணமாக முகம் மற்றும் காது பகுதியில் தோல் அரிப்பு நோய் ஏற்பட வாய்ப்பு உள்ளதாக தெரிவித்திருக்கிறார்கள். ஆனால் அவர்களது ஆராய்ச்சியில், அதிக நேரம் மொபைலில் பேசுபவர்கள்தான் அதிகம் பாதிக்கப்படுவது தெரியவந்துள்ளது. பொதுவாக பெரும்பாலானவர்களுக்கு நிக்கல் அலர்ஜி இருக்கிறது. மொபைல் போன் ஹேண்ட்செட்களில் பட்டன்கள், ஸ்கிரீனின் விளிம்பு போன்றவற்றில் அதிகளவு நிக்கல் கலந்திருப்பதால், அதை உபயோகிப்பவர்களின் கன்னம், காது போன்ற பகுதிகளில் தோல் பாதிக்கப்படும் என்கிறார்கள். தோல் சிவப்பாகி, வறண்டு, வெடித்து விட வாய்ப்பு உள்ளதாக அவர்கள் தெரிவிக்கிறார்கள். இதில் ஆண்களை விட பெண்களுக்கே அதிகம் பாதிப்பு ஏற்பட வாய்ப்பு உள்ளதாம். பொதுவாக தங்க நகை அணியும் மங்கையர்களுக்கும், பெல்ட் அணியும் ஆண்களுக்கும் ( பெல்ட்டில் இருக்கும் பக்கிலால் ), அதில் நிக்கல் இருப்பதால் அலர்ஜி ஏற்படுவது உண்டு. அம்மாதிரி நபர்கள் மொபைலில் அதிக நேரம் பேசினால் அதிகம் பாதிக்கப்படுவார்கள் என்கிறார்கள் ஆராய்ச்சியாளர்கள். மொபைல் பட்டன்களை அதிக நேரம் அழுத்திக்கொண்டிருப்பவர்களுக்கு விரல்களில் கூட தோல்நோய் வர வாய்ப்பு உள்ளதாம்

ஆண் இனம் அழியும் அபாயமா 30 கோடி ஆண்டுக்கு கவலை இல்லை

ஆண்கள் இனம் முழுவதும் அழிவதற்கான அபாயம், இன்னும் 30 கோடி ஆண்டுகளில் ஏற்படாது' என்று, புதிய ஆய்வில் கண்டுபிடிக்கப்பட்டுள்ளது.எக்ஸ் மற்றும் ஒய் குரோமோசோம்கள் இணையும் போது தான், கருவில் ஆண் குழந்தை உருவாகிறது. ஆனால், ஒய் குரோமோசோம்களில், ஏராளமான மரபணுக்கள் அழிந்து வருவதால், ஒய் குரோமோசோம்களே முற்றிலும் அழியும் நிலை உருவாகலாம். அப்படிப்பட்ட நிலையில், ஆண் இனமே உலகில் அழிந்து விடும் என்று, இதுவரை நடந்து வந்த பல்வேறு ஆய்வுகளில் கூறப்பட்டது. அடுத்த 1.25 லட்சம் ஆண்டுகள் முதல், ஒரு கோடி ஆண்டுகளுக்குள் ஆண்கள் இனம் முழுவதும் அழிந்துவிடும் என்று, அந்த ஆய்வுகளில் தெரியவந்தது.

ஒய் குரோமோசோம்கள் : ஆனால், தற்போது, ஒய் குரோமோசோம்களில் உள்ள மரபணுக்கள் முழுவதும் அழியும் அபாயம் 30 கோடி ஆண்டுகளில் ஏற்படாது என்று, புதிய ஆய்வில் கண்டுபிடிக்கப்பட்டுள்ளது. அமெரிக்காவின், சான் டியாகோ பல்கலைகக்கழகத்தை சேர்ந்த பெண் விஞ்ஞானி டோரிஸ் பச்டிரோக் இந்த ஆய்வு அறிக்கையை, ஐதராபாத்தில் நடந்த மனித மரபணு அறிவியல் மாநாட்டில் சமர்ப்பித்துள்ளார்.எக்ஸ் மற்றும் ஒய் ஜோடி குரோமோசோம்கள், 30 கோடி ஆண்டுகளில் இருந்து 15 கோடி ஆண்டுகளுக்கு முன் உருவானதாக கண்டுபிடிக்கப்பட்டது. அப்போது, ஒய் குரோமோசோம்களில், ஆயிரத்துக்கு மேற்பட்ட மரபணுக்கள் இருந்தன. ஆனால், தற்போது, 30 முதல் 50 மரபணுக்கள் மட்டுமே ஒய் குரோமோசோம்கள் உள்ளன.

மரபணுக்கள் அழிவது : இதன் அடிப்படையில் தான், ஒய் குரோமோசோம்களின் மரபணுக்கள் முழுவதும் அழிந்து விடும் என்று விஞ்ஞானிகள் கணித்தனர். அப்படிப்பட்ட நிலையில், ஒய் குரோமோசோம் களே இல்லாத நிலை ஏற்பட்டு, ஆண்கள் இனமே அழிந்து விடும் என்பது இறுதி கணிப்பு.ஆனால், ஒய் குரோமோசோம் கள் உருவான முதல் ஐந்து கோடி ஆண்டுகளில் தான், பெரும்பாலான மரபணுக்கள் அழிந்ததாகவும், அதன் பிறகு, மரபணுக்கள் அழிவது பெரிதும் குறைந்து விட்டதாகவும், டோரிஸ் நடத்திய ஆய்வில் கண்டுபிடிக்கப் பட்டுள்ளது.மரபணுக்கள் அழிவது பெரிதும் குறைந்து இருப்பதால், இன்னும் 30 கோடி ஆண்டுக்கு பிறகும் கூட, ஒய் குரோமோசோம்களில் குறைந்தபட்சம் 20 மரபணுக்கள் இருக்கும் என்கிறது, டோரிசின் ஆய்வறிக்கை.

ஒருவேளை, மரபணுக்கள் அனைத்தும் அழிந்து, ஒய் குரோமோசோம்கள் இல்லாத நிலை ஏற்பட்டாலும் கூட, ஆண் குழந்தைகள் பிறப்பதற்கு வாய்ப்புகள் இருப்பதாகவும் அவரது ஆய்வு தெரிவிக்கிறது. அப்படி பிறக்கும் ஆண்கள், வழக்கமான ஆண்களாகவே இருப்பார்கள்; அவர்களிடம் ஒய் குரோமோசோம்களுக்கு பதிலாக, வேறு வகை குரோசோம்கள் உருவாகி விடும் என்றும், டோரிஸ் தெரிவித்துள்ளார்.

விண்வெளியில் நடந்து புது சாதனை படைக்கிறது சீனா

பீஜிங்: மூன்று விண்வெளி வீரர்களுடன் சீனா அனுப்பிய
"ஷென்ஜோவ்-7' என்ற விண்கலம் வெற்றிகரமாக விண்ணில் இறங்கியுள்ளது.
இதில் சென்றுள்ள ஜியாய் ஜிகாங் என்ற வீரர் இன்று 40 நிமிடம்
விண்ணில் நடக்கிறார். சீனாவில் தயாரிக்கப்பட்ட விண்வெளி உடையை
அணிந்துசெல்கிறார் என்பது குறிப்பிடத்தக்கது.அமெரிக்கா,
ரஷ்யாவுக்கு அடுத்தபடியாக விண்வெளி ஆராய்ச்சியில் சாதனை படைக்க
சீனா தொடர்ந்து தீவிர முயற்சிகளை மேற்கொண்டு வெற்றியும் அடைந்து
வருகிறது. 2003ம் ஆண்டு சீனா முதல்முறையாக விண்கலத்தை
அனுப்பியது.

வெற்றிகரமாக விண்ணில் : இதில் ஒருவர்
மட்டும் சென்றார். அடுத்ததாக 2005ம் ஆண்டு இரண்டு வீரர்களுடன்
விண்கலத்தை அனுப்பியது. இதற்கு அடுத்த கட்டமாக மூன்று விண்வெளி
வீரர்களுடன் "ஷென்ஜோவ்-7' என்ற விண்கலத்தை நேற்று முன்தினம்
சீனாவின் வடமேற்குப் பகுதியிலுள்ள ஜியு குவான் ஏவுதளத்திலிருந்து
அனுப்பியது. இந்த விண்கலம் வெற்றிகரமாக விண்ணில் இறங்கியது.
இதில் போர் விமான விமானியான ஜியாய் ஜிகாங் தலைமையில் லியு
போமிங், ஜிங் ஹாய்பெங் ஆகிய மூன்று விண்வெளி வீரர்கள் ஷென்ஜோவ்
விண்கலத்தில் சென்றனர்

விண்வெளி திட்டத்தை வெற்றிகரமாக்க லட்சிய திட்டமிட்டது.
முழுக்க முழுக்க உள்நாட்டிலேயே தயாரிப்புகளைப் பயன்படுத்தும்
வகையில் திட்டமிட்டது.மேலும், விண்வெளி சாதனை முயற்சியை விண்கலம்
புறப்படுவதில் இருந்து விண்வெளியில் சென்று இறங்கும் வரையும்,
பின் இன்று விண்வெளியில் வீரர் நடப்பதுவரை சீன மக்கள் "டிவி'யில்
நேரடியாகப் பார்க்கவும் ஏற்பாடுகளைச் செய்துள்ளது.

சீன உடை: இன்று விண்வெளியில் 40 நிமிடம்
நடக்க இருக்கும் ஜியாய் ஜிகாங் அணிந்துள்ள விண்வெளி உடை, முழுக்க
முழுக்க சீனாவில் தயாரிக்கப்பட்டுள்ளது. இந்த உடைக்கு, "பறக்கும்
புத்த கடவுள்' எனப் பெயரிடப்பட்டுள்ளது. 44 லட்சம் டாலர் செலவில்
இந்த உடையானது வடிவமைக்கப்பட்டுள்ளது. இந்த உடையை
அணிந்துகொள்வதற்கே 15 மணி நேரம் ஆகுமாம். 15 அடுக்குகள் கொண்ட
இந்த உடையின் எடை மட்டும் 120 கிலோ.

உணவு: விண்வெளி வீரர்கள் எடுத்துச்சென்றுள்ள
உணவுகள் கூட சீன தயாரிப்புகள் தான். "செப்'கள் இதற்காக விசேஷ
கவனம் செய்துள்ளனர். இதில் ஊறுகாய், சாஸ் ஆகியவை இடம்
பெற்றுள்ளன. ஆனால், சோயால பால் முதலியவை விண்வெளி உணவாக
ஏற்கப்படுவதில்லை. புவியீர்ப்பு இல்லாத நிலையில் வாயு பதார்த்தம்
என்பது சரிப்படாது. விண்வெளியில் வீரர்கள் தங்கியிருக்கும் போது
குறைந்த அழுத்தம் காரணமாக உணவு சாப்பிட முடியாது. தவிரவும்
சென்றதடவை சிறு குழந்தைகளுக்கு மலஜலப் பிரச்னைகள் தவிர்க்க,
"டயபர்' அணிவிப்பது போல ஏற்பாடு இருந்தது. இத்தடவை, விண்வெளியில்
"டாய்லட்' வசதி விண்கலத்தில்
அமைக்கப்பட்டிருக்கிறது.

அடுத்த இலக்கு:விண்வெளியில் நிரந்தரமாக
விண்வெளி நிலையம் அமைப்பது சீனாவின் அடுத்த திட்டம். இதற்கு
முன்னோடியாக சிறிய ஆய்வகம் ஒன்றை அமைக்கிறது.

தேர்வு எப்படி:விண்வெளிக்கு வீரர்களை
அனுப்புவதற்காக, 1998ம் ஆண்டு போர் விமான விமானிகள் 14 பேர்
தேர்ந்தெடுக்கப்பட்டனர். இவர்களில் இருந்து இறுதியாக ஆறு பேர்
தேர்ந்தெடுக்கப்பட்டு தீவிர பயிற்சி அளிக்கப்பட்டது. சாதாரண
வாழ்க்கை முறையில் இருந்து, விண்வெளிக்கு ஏற்றவகையில் இருக்க,
கடும் பயிற்சியில் ஈடுபடுத்தப்பட்டனர். இவர்கள் வெளியில் சாப்பிட
ஆசைப்பட்டாலும் முடியாது. பயிற்சி நிலையத்தில் வழங்கப்படும்
உணவைத் தான் சாப்பிட வேண்டும்.

மேலும், தங்களை அடையாளம் காட்டிக்கொள்ளாமல் வெளியுலக தொடர்பு
இன்றி பயிற்சி பெற்று வந்தனர். பயற்சிக் காலத்தில் இவர்களது
குடும்பத்தினரைச் சந்திப்பதே ஆபூர்வமாக இருந்தது. இருப்பினும்,
நேற்று முன்தினம் இவர்கள் விண்ணுக்குப் புறப்பட்ட போது இவர்களது
குடும்பத்தார், உறவினர்கள் மகிழ்ச்சிப் பொங்க வழியனுப்பி
வைத்தனர்.இன்று விண்வெளியில் நடப்பதன் மூலம், ஜியாய் ஜிகாங்
விண்வெளியில் நடந்த முதல் சீன வீரர் என்ற பெருமையைப் பெறுகிறார்.
42 வயதான இவர், ஆங்கிலம் முதல் இயற்பியல் வரை மற்றும் வானியியல்
என 58 பாடங்களைப் படித்துள்ளார். விண்வெளியில் இருந்து
குடும்பத்தாருடன் உரையாடுவதற்காக தனியாக போன் இணைப்பும்
கொடுக்கப்பட்டுள்ளது.

விண்வெளிக்குச் சென்ற முதல் சீன வீரரான யாங் லிவி, கடந்தாண்டு
கட்சிக் கூட்டத்தில் பேசுகையில், "கம்யூனிஸ்ட் கட்சி
விண்வெளியில் விரைவில் கிளையைத் துவக்கும்' என்று
குறிப்பிட்டிருந்தார். சீன கம்யூனிஸ்ட் கட்சியின் விதிப்படி ஒரு
கூட்டத்தைக் கூட்டுவது என்றால் மூன்று உறுப்பினர்கள் தேவை. அந்த
வகையில் இப்போது மூன்று வீரர்கள் விண்வெளிக்குச்
சென்றுள்ளனர்.சீன அரசு பத்திரிகையான "தி பீப்பிள்ஸ் டெய்லி'
நேற்று வெளியிட்டத் தலையங்கத்தில், "ஒலிம்பிக்கைத் தொடர்ந்து,
உலகத்தின் பார்வை மீண்டும் சீனா பக்கம் திரும்பியுள்ளது' எனக்
குறிப்பிட்டுள்ளது.

ஆழ்கடலில் கச்சா எண்ணெய் உற்பத்தியில் ரிலையன்ஸ் சாதனை

மும்பை: கிருஷ்ணா - கோதாவரி ஆற்றுப் படுகையை ஒட்டி அமைந்துள்ள ஆழ்கடல் பகுதியில் எரிவாயு எடுக்கும் பணியை அடுத்தாண்டின் முதல் காலாண்டில் துவக்க ரிலையன்ஸ் முடிவு செய்துள்ளது. அதற்கு முன்பாக, இப்பகுதியில் கச்சா எண்ணெய் எடுத்து வரலாற்று சாதனை படைத்துள்ளது. இதனால், கச்சா எண்ணெய் தேவைக்கு, இறக்குமதியை நம்பியிருப்பது குறையும் என்பதும், எரிபொருள் தேவைக்கு உள்நாட்டில் அபார உற்பத்தி கிடைக்கும் என்ற நம்பிக்கையும் பெரும் சாதனையாகும்.இந்தியாவின் முதல் ஆழ்கடல் எண்ணெய் பகுதியான கிருஷ்ணா - கோதாவரி ஆற்றுப் படுகையில், டி-6 பகுதியில் எண்ணெய் அகழ்வாராய்ச்சி பணியில் ரிலையன்ஸ் நிறுவனத் துக்கு அனுமதியளிக்கப்பட்டது. வரலாற்று சாதனை : இப்பகுதியில், 2006ம் ஆண்டு அகழ்வுப்பணியை மேற் கொண்ட ரிலையன்ஸ் நிறுவனம், கச்சா எண்ணெய் இருப்பதை கண்டுபிடித்தது.இங்கு, 90 சதவீதம் இயற்கை எரிவாயுவும், 10 சதவீதம் கச்சா எண்ணெயும் கிடைக்கும் என மதிப்பிடப்பட்டு பணிகள் துவக்கப்பட்டன. இயற்கை எரிவாயு எடுக்கும் பணி வரும் டிசம்பர் மாதம் துவங்குவதாக திட்டமிடப்பட்டது. தற்போது அந்த திட்டம் தாமதமாகி, அடுத்த காலாண்டில் துவங்கும் என தெரிகிறது.இதற்கு முன்பாக கச்சா எண்ணெய் எடுக்கும் பணியை வெற்றிகரமாக துவக்கி, ரிலையன்ஸ் வரலாற்று சாதனை படைத்துள்ளது. ஆம். இந்தியாவின் முதல் ஆழ்கடல் எண்ணெய் கிணறான டி-6 பிளாக்கில் இருந்து கடந்த 17ம் தேதி முதல் கச்சா எண்ணெய் எடுக்க ரிலையன்ஸ் ஆரம்பித்துவிட்டது. துவக்கமாக நாள் ஒன்றுக்கு 5,500 பேரல்கள் கச்சா எண்ணெய் எடுக்கப்படுகிறது. இத்தகவலை ரிலையன்ஸ் நிறுவன தலைவர் முகேஷ் அம்பானி முறைப்படி மும்பையில் அறிவித்தார்.அடுத்த ஒரு மாத காலத்தில் உற்பத்தி அளவு நாள் ஒன்றுக்கு, 20 ஆயிரம் பேரல்களாக (ஆண்டுக்கு 10 லட்சம் டன்) அதிகரிக்கப்படும். வரும் 2010ம் ஆண்டில் நாள் ஒன்றுக்கு 40 ஆயிரம் பேரல்களாக(20 லட்சம் டன்) உற்பத்தி அளவு அதிகரிக்கப்படும். தற்போது, டி-6 பிளாக்கிலிருந்து எடுக்கப்படும் கச்சா எண்ணெய் விசாகப்பட்டினத்திலுள்ள இந்துஸ்தான் பெட்ரோலியத்திற்கு விற்பனை செய்துள் ளது.கச்சா எண்ணெய் மிகுந்த தரத்துடன் இருப்பதால், அதை உள் நாட்டிலுள்ள பொதுத்துறை எண்ணெய் நிறுவனங்களுக்கு விற்பனை செய்ய முடிவு செய்யப்பட்டுள்ளது. எதிர்பார்க்கப்படும் வகையில் முழுவீச்சில் கச்சா எண்ணெய் உற்பத்தியானால் நாம் இறக்குமதியை நம்பியிருக்கும் அளவு குறைவதுடன் கோடிக்கணக்கில் பணம் மிச்சமாகும்.இயற்கை எரிவாயு எடுக்கும் பணி திட்டமிட்ட காலத்திற்கு மாறாக நான்கு மாதங்கள் கழித்து துவங்குகிறது. இங்கு கிடைக்க இருக்கும் எரிவாயுவால், வாகனங்களை இயக்க முடியும் என்பதால், நாட்டின் பல பகுதிகளுக்கும் குழாய் மூலம் கொண்டு செல்லவும் திட்டமிடப்பட்டுள்ளது. முகேஷ் அம்பானி வார்த்தையில்: சமையல் காஸ் விலை ரூ.116: கிருஷ்ணா - கோதாவரி பேசின் பகுதியில் ரிலையன்ஸ் கண்டுபிடிப்பு, முகேஷ் அம்பானி வார்த்தையில், "இந்தியாவுக்கும் ரிலையன்சுக்கும் அதிர்ஷ்டம்' என்று குறிப்பிட்டுள்ளார். அவர் மேலும், "இயற்கை எரிவாயு மற்றும் கச்சா எண்ணெய் ஆகிய இரண்டும் கிடைக்கும் வகையில், நமக்கு வரம் இருக்கிறது. அதிலும், இயற்கை எரிவாயு 21ம் நூற்றாண்டின் எரிபொருள்' என்று குறிப்பிட்டிருக்கிறார்.இயற்கை எரிவாயுவை அரசு நிர்ணயிக்கும் விலையில் ரிலையன்ஸ் விற்பனை செய்யும். மேலும், அரசுக்கு 85 ஆயிரம் கோடி வரை மிச்சமாக வாய்ப்பு இருக்கிறது. மற்ற நடைமுறைகள் ஒரு பக்கம் இருக்க இந்த மகிழ்ச்சி, பரபரப்பு ஏன் என்பதற்கு ரிலையன்ஸ் அளித்த விளக்கம்: டி-6 பிளாக்கிலிருந்து கிடைக்கும் இயற்கை எரிவாயு மூலம் 10 முதல் 12 கோடி வீடுகளுக்கு சப்ளை செய்ய முடியும். மேலும், ஐந்து கோடி இரண்டு சக்கர வாகனங்களுக்கும், 50 லட்சம் கார்களுக்கும் எரிபொருளைப் பயன்படுத்த முடியும். குழாய் மூலம் எரிவாயுவை கொண்டு செல்ல திட்டமிடுவதன் மூலம், வீடுகளுக்கு நேரடியாக குழாய் இணைப்பு எரிவாயு சப்ளை செய்ய முடியும். இதனால், தற்போதுள்ள எல்.பி.ஜி., சிலிண்டர்களுக்கு விடை கொடுக்க முடியும். மேலும், தற்போது சிலிண்டர் ஒன்றின் விலை ரூ.304 முதல் ரூ.352 என விற்கப்படுகிறது. குழாய் மூலம் சப்ளை செய்யப்படும் போது சிலிண்டர் விலை ரூ.116 ஆக குறைய வாய்ப்பு இருக்கிறது.இதற்காக ஆந்திராவின் காக்கிநாடாவிலிருந்து நாட்டின் பல்வேறு நகரங்களுக்கு குழாய் மூலம் இயற்கை எரிவாயுவை கொண்டுச் செல்ல ரிலையன்ஸ் திட்டமிட்டுள் ளது.