தனியார் ஆஸ்பத்திரி, அரசு பொதுமருத்துவமனை மீது பரபரப்பு புகார்: சென்னையில் தவறான சிகிச்சையால் உயிருக்கு போராடும் ஏழை பெண்

சென்னையில் தனியார் மருத்துவமனையில் தவறான சிகிச்சையாலும், அரசு பொது மருத்துவமனையின் மெத்தன போக்காலும் ஏழை இளம்பெண் ஒருவர் உயிருக்கு போராடிய நிலையில் உள்ளார்.

 

அவர் பெற்ற குழந்தைக்கு தாய்ப்பால் கொடுக்க முடியாமல் பரிதாப நிலையில் உள்ளார்.

 

சென்னை பழவந்தாங்கலை சேர்ந்தவர் ராம்நாத் (வயது 30), டெய்லர் தொழில் செய்கிறார். இவரது மனைவி குணசுந்தரி (21). இவர்களுக்கு 2 மாத ஆண் கைக்குழந்தை உள்ளது. குணசுந்தரி கடந்த மாத இறுதியில் காய்ச்சல், இருமல், சளித்தொல்லையால் அவதிப்பட்டார். இதற்காக நங்கநல்லூரில் உள்ள தனியார் ஆஸ்பத்திரி ஒன்றில் சிகிச்சை பெற்றார்.

 

பின்னர் அங்கு பணிபுரியும் டாக்டர்கள் எழுதி கொடுத்த மருந்து மாத்திரைகளை வாங்கி சாப்பிட்டார். அந்த மருந்து, மாத்திரைகளை சாப்பிட்ட பிறகு குணசுந்தரிக்கு வியாதி அதிகமாகிவிட்டது. அவரது உடல் முழுவதும் சிறிய, சிறிய கொப்புளங்கள் உண்டாகியது. உடல் முழுவதும் தீக்காயம் ஏற்பட்டதுபோல புண்களாகிவிட்டன. இதனால் அவரது முகம் கோரமாக மாறியது. கண்பார்வையும் மங்கிவிட்டது.

 

பின்னர் குணசுந்தரியை ராயப்பேட்டை அரசு மருத்துவமனையில் சிகிச்சைக்கு சேர்த்தார்கள். அங்கு டாக்டர்கள் பரிசோதித்துவிட்டு, ஏற்கனவே சாப்பிட்ட மருந்து, மாத்திரையினால் ஏற்பட்ட அலர்ஜி (டிரக் அலர்ஜி) காரணமாக இவ்வாறு உடல் முழுக்க கொப்புளங்கள் ஏற்பட்டுள்ளது என்றும், அரசு பொது மருத்துவமனையில் சிகிச்சை பெற்றால் குணமாகிவிடும் என்றும் தெரிவித்தனர்.

 

உடனே குணசுந்தரி அரசு பொது மருத்துவமனையில் சேர்க்கப்பட்டார். அங்கு அவர் தற்போது சிகிச்சை பெறுகிறார்.

 

இந்த நிலையில், தவறான சிகிச்சை கொடுத்த தனியார் மருத்துவமனைமீது நடவடிக்கை எடுக்க வேண்டும் என்றும், அரசு பொது மருத்துவமனையில் சிறப்பான சிகிச்சை அளிக்க அறிவுறுத்த வேண்டும் என்றும் கோரிக்கை வைத்து குணசுந்தரியின் கணவர் நேற்று முன்தினம் போலீஸ் கமிஷனர் அலுவலகத்தில் புகார் கொடுக்க வந்தார்.

 

ஆனால், சம்பவம் நடந்தது நங்கநல்லூர் என்பதால் புறநகர் போலீஸ் கமிஷனரிடம் புகார் கொடுக்கும்படி கமிஷனர் அலுவலக போலீஸ் அதிகாரிகள் அறிவுறுத்தினார்கள். ஆனால் ஏற்கனவே பழவந்தாங்கல் போலீசில் புகார் கொடுத்து பார்த்தோம், சரியாக நடவடிக்கை எடுக்கவில்லை.

 

எனவே, தான் இங்கு புகார் கொடுக்க வந்தேன் என்று குணசுந்தரியின் கணவர் கூறினார். மறுநாள் வரும்படி போலீசார் தெரிவித்தனர். இதன்படி நேற்று குணசுந்தரியின் கணவர் ராம்நாத், தனது உறவினர்கள் மற்றும் பொதுமக்கள் 50 பேருடன் கமிஷனர் அலுவலகத்துக்கு வந்து அதிகாரிகளிடம் முறையிட்டார்.

 

குணசுந்தரிக்கு தனியார் ஆஸ்பத்திரி டாக்டர்கள் அளித்த தவறான சிகிச்சை காரணமாகத்தான் இந்த நிலை ஏற்பட்டுள்ளது. அந்த ஆஸ்பத்திரி மீது சட்டப்பூர்வ நடவடிக்கை எடுக்க வேண்டும்.


அரசு பொது மருத்துவமனையிலும் குணசுந்தரிக்கு அவ்வளவு சிறப்பான சிகிச்சை அளிக்கப்படவில்லை. அவரது கண்பார்வை மங்கிக்கொண்டே போகிறது. கண் டாக்டர் ஒருவரை வரவழைத்து சிகிச்சை அளிப்பதாக 3 நாட்களாக சொல்லுகிறார்கள். கண் டாக்டர் வந்தபாடில்லை.

 

உடல் முழுக்க புண்ணாக இருப்பதால் குணசுந்தரியால் அவரது கைக்குழந்தைக்குக்கூட தாய்ப்பால் கொடுக்க முடியாத பரிதாப நிலையில் உள்ளார். எனவே இந்த விஷயத்தில் அரசு தலையிட்டு குணசுந்தரிக்கு உரிய நியாயம் கிடைக்க வழிவகை காணவேண்டும் என்று பொதுமக்கள் பரபரப்பாக பேட்டி கொடுத்தனர்.

வயதை குறைக்கும் கிரீம் தேடி அலையும் ஆண்கள்

பெண்களின் அழகு கிரீம்களை மறைந்து, ஒளிந்து ஆண்கள் பூசத் தொடங்கியது போய், வயதாவதை தடுக்கும் கிரீம்கள் மீது இப்போது அவர்கள் கவனம் திரும்பியுள்ளது. இதை நீல்சன் நிறுவன புள்ளிவிவரம் புட்டு வைக்கிறது.
இதுபற்றி நீல்சன் நடத்திய ஆய்வு விவரம்:

முகத்தில் எண்ணெய் பசை, கரும்புள்ளிகள், மேடு பள்ளங்களை சரி செய்து பொலிவுடன் காட்டும் ‘பேர்னஸ்’ கிரீம்களை பெண்கள்தான் முன்பு பயன்படுத்துவார்கள். கடையில் அவற்றை தனக்கென கேட்டு வாங்க முடியாத இளைஞர்கள், வீட்டில் சகோதரியின் கிரீமை ரகசியமாக எடுத்து மறைந்திருந்து பூசிக் கொள்ளத் தொடங்கினர்.

இதை வீட்டினர் கவனித்தார்களோ இல்லையோ, நிறுவனங்கள் கவனித்து விட்டன. இளைஞர்களின் கஷ்டத்தை போக்க, ஆண்களுக்கான கிரீம்களை மார்க்கெட்டில் இறக்கி விட்டன. முகம் மட்டும் பொலிவாக இருந்தால் போதுமா... வயதாவதைத் தடுக்க வேண்டாமா என்று நடுத்தர ஆண்கள் கவலைப்பட்டனர். பாண்ட்ஸ் ஏஜ் மிரேக்கிள், ஓலே டோட்டல் எபெக்ஸ்ட், நிவியா விசேஜ் க்யூ10 என பெண்களுக்கான வயதாவதைத் தடுக்கும் சரும பாதுகாப்பு கிரீம்களை ஆண்கள் தேட தொடங்கி விட்டனர்.
டெல்லி, மும்பை, பெங்களூர் உட்பட மாநகரங்களில் 20 சதவீத ஆண்கள் இப்படி பெண்களின் கிரீம்களை பயன்படுத்துவதாக கூறுகிறது புள்ளிவிவரம்.

தாயின் மனநிலையே சேயின் மனநிலை

தாயின் ஒவ்வொரு மாற்றமும் கருவில் இருக்கும் குழந்தைக்கும் ஏற்படும். உடலாலும், மனதாலும் கருவுற்ற பெண்ணிற்கு சிறு பாதிப்பு என்றாலும் அது குழந்தையின் வளர்ச்சியில் பல பாதிப்புகளை ஏற்படுத்துகிறது.

சில குழந்தைகள் 2 அல்லது 3 வயது வரை எந்த பாதிப்புமில்லாமல் வளரும். ஆனால் திடீரென்று காய்ச்சல் அடிக்கும், பின் அந்தக் குழந்தையின் இடுப்புப் பகுதிக்குக் கீழ் செயலிழக்க ஆரம்பிக்கும். இதன் காரணத்தை அகத்தியர் தன்னுடைய பாலவாகடத்தில் தெளிவாகக் கூறியுள்ளார்.

அதாவது ஒரு பெண் எப்போது கருவுறுகிறாளோ அன்றிலிருந்து அந்தப் பெண்ணிற்கு உண்டாகும் மாற்றங்கள் கருவிலிருக்கும் குழந்தைக்கும் உண்டாகும். இவ்வாறு ஏற்படும் பாதிப்புகள் அல்லது மாற்றங்கள் குழந்தை பிறந்த பின் 2 அல்லது மூன்று ஆண்டுகள் வளர்ந்த பின் கூட ஏற்படும்.

ஒரு குழந்தை முழுமையாக வளர்ச்சியடையவும் எதிர்காலத்தில் மனதாலும் உடலாலும் ஊனமில்லாமல் பிறந்து வளரவும் கருவுற்ற பெண்கள் சில நடைமுறைகளைக் கடைப்பிடித்து வரவேண்டும்.

· கருவுற்ற பெண்கள் குளிர்ந்த நீரில் குளிக்கக் கூடாது. ஈரத் தலையுடன் இருப்பதை தவிர்ப்பது நல்லது.

· குளிர்ந்த காற்று, வாடைக்காற்று, பனிக்காற்று வீசும் இடங்களில் நிற்கக் கூடாது. சன்னல் ஓரம் அதிக நேரம் நிற்கக் கூடாது.

· மழையிலோ மழைச் சாரலிலோ நனையக் கூடாது. அவ்வாறு நனைய நேரிட்டால் வீட்டிற்கு வந்தவுடன் வெந்நீர் வைத்து இளம் சூடான நீரில் குளித்து உடலையும் தலையையும் நன்கு துடைக்கவேண்டும்.

· எப்போதும் நன்கு காய்ச்சி ஆறிய நீரைப் பருகுவது நல்லது. அதிக நீர் அருந்தவேண்டும். அதற்காக ஒரே நேரத்தில் அதிக நீர் அருந்தக்கூடாது. இடைவெளி விட்டு நீர் அருந்த வேண்டும்.

· அதிக சூடான நீரை அருந்துதல் நல்லதல்ல. குளிர்சாதனப் பெட்டி (பிரிட்ஜ்) யில் வைத்த குளிர்பானங்கள், குளிர்ந்த நீர் மற்றும் குளிர்ந்த உணவுப் பொருட்களைத் தவிர்க்க வேண்டும். இதனால் சளிப் பிடிக்காமல் பார்த்துக்கொள்ளலாம். கருவுற்ற பெண்ணுக்கு சளிப் பிடித்தால் அது கருவில் இருக்கும் குழந்தையைப் பாதிக்கும்.

· கருவுற்ற பெண்கள் சிலபேர் குமட்டல் வாந்தி காரணமாக உணவை தவிர்ப்பார்கள். அப்படி தவிர்ப்பதால் குழந்தைக்குத் தேவையான சத்துக்கள் கிடைக்காமல் போகும்.

· அதிக காரம், புளிப்பு உள்ள உணவுகளை தவிர்க்க வேண்டும். எளிதில் ஜீரணமாகும் உணவுகளை உண்ண வேண்டும்.

· சத்து மாத்திரைகளை நேரடியாக உபயோகிக்கக் கூடாது. கீரைகள், பழங்கள், தானியங்கள் காய்கறிகள் போன்றவற்றில் தேவையான சத்துக்கள் அனைத்தும் கிடைக்கின்றன. சத்து மாத்திரைகளை உபயோகித்தால் அவை சில நேரங்களில் தாயின் உடல் சமநிலைப்பாட்டை மாற்றி கருவில் உள்ள குழந்தையை பாதிக்க ஆரம்பிக்கும். இதனால் குழந்தைகள் பிறந்து சில நாட்கள் நன்றாக இருந்து பின்பு பாதிப்பை ஏற்படுத்தும். சில குழந்தைகளுக்கு உடல் உறுப்புகள் பாதிக்கப்படும்.

· மதிய உணவில் ஏதாவது ஒரு கீரையை சேர்த்துக் கொள்ள வேண்டும். அதிக சூடு, அதிக குளிர்ச்சி தரும் பழங்களைத் தவிர்த்து மற்ற பழங்களைச் சாப்பிடுவது நல்லது. ஜூஸ் செய்து கூட அருந்தலாம்.

· கர்ப்பிணிப் பெண்கள் சரியான நேரத்திற்கு உணவு அருந்த வேண்டும். உணவு உண்டவுடன் தூங்கக் கூடாது. சற்று ஓய்வெடுத்தாலே போதுமானது. முடிந்தவரை பகல் தூக்கத்தைத் தவிர்ப்பது நல்லது.

· தொலைக்காட்சியை அதிக நேரம் பார்த்துக் கொண்டிருக்கக் கூடாது. மனதைப் பாதிக்கும் காட்சிகளைப் பார்ப்பதைத் தவிர்க்க வேண்டும்.

· மழை, இடி, மின்னல் ஏற்படும் போது வெளியே செல்வதைத் தவிர்க்க வேண்டும்.அதுபோல் அதிக வெயிலிலும் அலையக் கூடாது. மூச்சு திணறும் அளவு மக்கள் நெருக்கடி உள்ள திருவிழா, கடை வீதிகளுக்கு செல்வது நல்லதல்ல.

· அதிக சப்தம் போட்டு பேசுவதால் வயிற்றில் உள்ள கருவிற்கு சில அதிர்வுகள் ஏற்பட வாய்ப்புண்டு.

· இரவு நேரங்களில் அதிக வெளிச்சமில்லாத பகுதிகளுக்குச் செல்வதைத் தவிர்க்க வேண்டும்.

கரு என்பது மென்மையான பூ போன்றது. அதை அழகாக பாதுகாப்பாக பெற்றெடுக்க வேண்டியது ஒரு தாயின் கடமை.

மிதமான வேலை, மிதமான நடை, மிதமான உடற்பயிற்சி, அமைதியான மனநிலையே ஆரோக்கிய குழந்தைக்கு முதல் படியாகும்

புரோட்டீன் உணவுகளால் சர்க்கரை நோய் வரலாம்

கலிபோர்னியா : புரோட்டீன் அதிகமுள்ள உணவுகளால் இந்தியர்களுக்கு டயபடீஸ் வரும் வாய்ப்பு அதிகம் என்று அமெரிக்க ஆய்வு எச்சரித்துள்ளது.
அமெரிக்காவின் சான் பிரான்சிஸ்கோ வளைகுடா பகுதியில் வசிக்கும் இந்தியர்களிடம் புரோட்டீன் உணவுகளுக்கும் டயபடீசுக்கும் உள்ள தொடர்பு பற்றி விரிவான ஆய்வு நடத்தப்பட்டது. அதில் 45 முதல் 79 வயதுக்கு உட்பட்ட 146 இந்தியர்கள் பரிசோதிக்கப்பட்டனர். அதில் வெளியான தகவல் வருமாறு: புரோட்டீன் நிறைந்த உணவுகள் மேக்ரோநியூட்ரியன்ட் எனப்படுகின்றன. பேக்கரி பொருட்கள், மாட்டுக்கறி, முட்டை, பழங்கள், பால், பாலாடை கட்டி, யோகர்ட்,  விதை, சாஸ், சூப், இனிப்பு என சுமார் 6,000 உணவுகளில் மேக்ரோநியூட்ரியன்ட் அதிகம் இருக்கிறது.

அந்த உணவுகளை ஒரு குழுவினர் தொடர்ந்து சாப்பிட்டு வர கேட்டுக் கொள்ளப்பட்டனர். மற்றொரு பிரிவினருக்கு புரோட்டீன் குறைந்த பொருட்கள் தரப்பட்டன.
குறிப்பிட்ட நாட்கள் கழித்து பரிசோதித்ததில், மேக்ரோநியூட்ரியன்ட் உணவுகளை சாப்பிட்ட இந்தியர்களில் 28 சதவீதத்தினருக்கு டயபடீஸ் அறிகுறி ஏற்பட்டிருந்தது. மற்றொரு பிரிவினருக்கு அது அறவே இல்லை. எனவே, மேக்ரோநியூட்யன்ட் கொண்ட புரோட்டீன் நிறைந்த உணவுகளை அளவோடு சாப்பிடுவது டயபடீஸ் வராமல் தடுக்க உதவும் என்று ஆய்வில் கூறப்பட்டுள்ளது.

எடையைக் குறைக்க ஜில்லுனு ஒரு ட்ரீட்மென்ட்

உடல் செல்களை குளிரூட்டி, எடையை குறைக்கும் புதிய வழிமுறையை லண்டன் ஆராய்ச்சியாளர்கள் கண்டுபிடித்துள்ளனர்.
பொதுவாக உடல் கொழுப்பை குறைக்க வெப்பம் சார்ந்த சிகிச்சை முறைகளையே பயன்படுத்துவது வழக்கம். ஆனால் முதல்முறையாக உடலை குளிரச் செய்து, கொழுப்பை கரைக்கும் கருவி கண்டுபிடிக்கப்பட்டுள்ளது. ‘ஜெல்டிக்’ எனும் இந்த கருவியின் மூலம் சுமார் 25 சதவீதம் வரையிலான உடல் கொழுப்பை கரைக்கலாம்.
லண்டன் ஹார்வார்டு பல்கலைக்கழக மருத்துவமனை ஆராய்ச்சியாளர்கள் இதனை கண்டுபிடித்துள்ளனர். இதுகுறித்து ஆராய்ச்சியாளர்களில் ஒருவரான டேவிட் கோல்டுபெர்க் கூறும்போது, ‘‘இந்த புதிய முறையில் செல்கள் ஜீரோ டிகிரி வெப்பநிலைக்கு குறைக்கப்படுகின்றன. இந்த குளிர் வெப்பநிலையில், தோல் மற்றும் சதைகளை பாதிக்காத வகையில் கொழுப்பு மட்டும் கரைக்கப்பட்டு விடுகிறது’’ என்றார்.

கரு வளர்ச்சிக்கு உதவும் “வயாகரா”

வயாகரா மாத்திரைக்கு “செக்ஸ்” உணர்வை தூண்டும் சக்தி உண்டு என்பது எல்லோருக்கும் தெரிந்த விஷயம். ஆனால் இது தாயின் வயிற்றில் உள்ள கரு வளர்ச்சிக்கும் பெரிதும் உதவும் என்று இப்போது கண்டுபிடிக்கப்பட்டுள்ளது.

அமெரிக்கா டெக்சாஸ் பல்லைக்கழக விஞ்ஞானிகள் இது தொடர்பாக ஒரு ஆய்வை மேற்கொண்டனர். வயாகரா மாத்திரையை கருவுற்றிருந்த ஆட்டுக்கு கொடுத்து பரிசோதித்தனர். இதில் ஆட்டின் கரு நன்றாக வளர்ச்சி அடைவதற்கு உதவியது.

கரு வளர்ச்சிக்கு அமினோ ஆசிட், மற்றும் நியூட்ரின் சத்துக்கள் அதிகம் தேவைப்படுகின்றன. அவை வயாகரா மாத்திரையில் இருக்கின்றன. எனவே இந்த மாத்திரை கருவளர்ச்சிக்கு உதவுவதாக விஞ்ஞானிகள் தெரிவித்தனர்.

கருவுற்ற பெண்கள் இதை பயன்படுத்துவது பற்றி இன்னும் ஆய்வு செய்யப்படவில்லை. அந்த ஆய்வு முடிந்த பிறகு கர்ப்பிணி பெண்களும் வயாகரா மாத்திரை சாப்பிட சிபாரிசு செய்யப்படலாம் என எதிர்பார்க்கப்படுகிறது.

வயாகராவை விட பன்றி இறைச்சி “செக்ஸ்” ஆர்வத்தை அதிகம் தூண்டும்; அர்ஜென்டினா பெண் அதிபர் தகவல்

அர்ஜென்டினா அதிபர் மாளிகையில் வர்த்தகர்களின் கூட்டம் நடந்தது. இதில், அந்நாட்டு பெண் அதிபர் கிறிஸ்டினா கிர்ச்னர் கலந்து கொண்டார். அப்போது அவர் பேசியதாவது:-

தற்போது செக்ஸ் ஆர்வத்தை தூண்டுவதற்காக வயாகரா மாத்திரை பயன் படுத்தப்பட்டு வருகிறது. ஆனால் பன்றி இறைச்சி அதை விட மிகச்சிறந்தது. இது சாதாரண விஷயமல்ல.

வறுக்கப்பட்ட பன்றிக்கறியில் தான் வயாகராவை விட “செக்ஸ்” உணர்வை தூண்டும் சக்தி உள்ளது. அதை நான் அனுபவபூர்வமாக உணர்ந்து வருகிறேன்.

தென் அர்ஜென்டினாவில் உள்ள படகோனியா பகுதியில் வார இறுதியில் விருந்து நடைபெறும். இதில் நான் எனது கணவரும், முன்னாள் அதிபருமான நெஸ்டன் கிர்ச்னாவும் கலந்து கொண்டு வறுத்த பன்றி இறைச்சியை ருசித்து மகிழ்வோம்.

இதன் மூலம் வாரம் முழுவதும் புத்துணர்ச்சி ஏற்படும். எனவே இதை பரிசோதனை நடத்த வேண்டும் என்று தெரிவித்தார்.

டென்மார்க், ஜப்பான் போன்ற நாடுகளில் பன்றி இறைச்சியை தான் அதிக அளவில் மக்கள் சாப்பிடுகின்றனர். ஆனால் அர்ஜென்டினாவில் மாட்டு இறைச்சி தான் அதிக அளவில் விரும்பி சாப்பிடப்படுகிறது.

எனவே அதிபர் கிறிஸ்டினா கூறியது போல, இங்கும் பன்றி இறைச்சியை சாப்பிட்டு மக்கள் இன்புற்று வாழ வேண்டும் எனபன்றி இறைச்சி விற்பனையாளர்கள் சங்கத்தினர் தெரிவித்துள்ளனர்.

கொழும்பு சென்ற விமானத்தில் ஹஜ்பயணிக்கு நெஞ்சுவலி: அவசரமாக தரை இறங்கியது

சென்னையில் இருந்து இன்று காலை 10.45 மணிக்கு கொழும்புக்கு ஏர்லங்கா விமானம் புறப்பட்டது. அந்த விமானத்தில் 267 பயணிகள் இருந்தனர். இதில் 52 பேர் ஹஜ் பயணிகள். அவர்கள் கொழும்பில் இருந்து சவுதி அரேபியா செல்ல இருந்தனர்.

விமானம் ஓடுபாதையில் இருந்து பறக்க முயன்றபோது ரபி அகமது (52) என்ற ஹஜ் பயணி நெஞ்சு வலிப்பதாக கூறி சத்தம் போட்டார். இதை தொடர்ந்து புறப்பட்ட 15 நிமிடத்தில் விமானிகள் விமானத்தை தரை இறக்கினர். விமான நிலையத்தில் உள்ள டாக்டர்களுக்கு தகவல் கொடுக்கப்பட்டது.
அவர்கள் ரபிஅகமது உடலை பரிசோதித்து வாயு கோளாறுதான் காரணம் என்றனர். அதோடு அவர் விமானத்தில் செல்ல முழு தகுதியுடன் இருப்பதாக டாக்டர்கள் தெரிவித்தனர்.

இதை தொடர்ந்து அந்த விமானம் அனைத்து பயணிகளுடன் 12 மணியளவில் புறப்பட்டு சென்றது.

“80 வயதில் செக்ஸ் ஆசை அதிகரிக்கும்; ஆய்வில் தகவல்

ஐம்பதிலும் ஆசை வரும், ஆசையுடன் பாசம் வரும்” என்பார்கள் அது உண்மைதான். அதுவும் 80 வயதில்தான் செக்ஸ் ஆசை அதிகரிக்கும் என்ற தகவலை ஆய்வு ஒன்று தெரிவிக்கிறது.

சிகாகோ பல்கலைக்கழகத்தின் உளவியல் பேராசிரியர் எட்வர்ட் வியூமான் இதுபற்றிய ஆய்வு நடத்தினார். 57 முதல் 85 வயது வரை உள்ள ஆண், பெண் இருவரிடமும் எந்த வயதில் “செக்ஸ்” ஆசை அதிக அளவில் இருந்தது என்று கருத்து கேட்கப்பட்டது.

1,550 ஆண்களிடமும், 1,755 பெண்களிடமும் வீடு வீடாக சென்று சர்வே செய்யப்பட்டது. இவர்களில் 68 சதவீதம் ஆண்களும், 42 சதவீதம் பெண்களும் தாங்கள் தற்போதும் “செக்ஸ்” சில் ஈடுபடுவதாக தெரிவித்தனர்.

இவர்களில் 80 முதல் 85 வயது வரை உள்ளவர்கள் தான் அதிக அளவில் “செக்ஸ்” சில் நாட்டம் உள்ளவர்களாக இருப்பது ஆய்வில் உறுதி செய்யப்பட்டுள்ளது. இதற்கிடையே, “செக்ஸ்” உறவு வைத்து கொள்ளாதவர்கள் உடல் ரீதியாகவும், மன ரீதியாகவும் பல பிரச்சினைகளுடன் இருப்பதும் கண்டு பிடிக்கப்பட்டது. மேலும் கணவன்- மனைவி உறவும் நெருக்கமாக இல்லாததும் தெரிய வந்தது.

“செக்ஸ்” உறவு வைத்து கொள்பவர்களில் 60 வயதினரைவிட 80 வயதினர் நல்ல உடல் நலத்துடன் உள்ளனர். உடல் ரீதியாகவும், மன ரீதியாகவும் அதிக ஆரோக்கியத்துடன் உள்ளனர் என்றும் ஆய்வு அறிக்கை தெரிவிக்கிறது.

Source: http://www.maalaimalar.com

உலகின் தலைசிறந்த உணவு பருப்பு: பிரிட்டன் எழுத்தாளர் சைமன் கருத்து

லண்டன்: பருப்பு சேர்த்து செய்யப்பட்ட உணவு தான் சிறப்பானது என பிரிட்டன் எழுத் தாளர் சைமன் மஜும்தார் தெரிவித்துள்ளார். பிரிட்டன் நர்சுக்கும், கோல்கட்டா டாக்டருக்கும் பிறந்தவர் சைமன் மஜும்தார். இவரது தாய் வென்ஜான் வேல்ஸ் மருத்துவமனையில் பணிபுரிந்த போது, அங்கு பயிற்சிக்காக வந்த டாக்டர் பிரதீப் மஜும்தாரை காதலித்து திருமணம் செய்து கொண்டார். கணவருடன் கோல்கட்டா வந்த வென்ஜான், பெங்காலி உணவு வகைகளை சமைப்பதில் கை தேர்ந்தவரானார். பின்னர் இந்த தம்பதியர் மீண்டும் பிரிட்டன் திரும்பினர். அங்கு பிறந்தவர் தான் சைமன் மஜும்தார்.
தாயின் கை பக்குவத்தில் சாப்பிட்டு பழகி போன சைமன் மஜும்தாருக்கு உணவு வகைகளின் மீது அலாதி பிரியம். எனவே, பார்த்த தொழில்களையெல்லாம் விட்டு விட்டு ஒவ்வொரு நாடாக சென்று அந்த நாட்டு உணவு வகைகளை பற்றி ஆராய்ந்து ருசி பார்த்து, அதை பற்றி கட்டுரையாக எழுதி வந்தார் சைமன். 30க்கும் அதிகமான நாடுகளுக்கு சென்று, அந்த நாடுகளின் அசைவ மற்றும் சைவ உணவுகளை சாப்பிட்டு பார்த்து அவ்வுணவுகளின் தன்மை பற்றி புத்தகம் எழுதியுள்ளார்.
பெரும்பாலான நாடுகளை சுற்றி பார்த்து, அந்த ஊர்களின் உணவுகளையெல்லாம் ருசி பார்த்த பின், சைமன் தனது கட்டுரையில் குறிப்பிடுகையில், "கிழக்கு நாடுகளாகட்டும், மேற்கத்திய நாடுகளாகட்டும் எனக்கு பிடித்தது பருப்பு உணவு மட்டுமே. பருப்பு சேர்த்து சமைக்கப்பட்ட உணவு, ருசியில் மட்டுமல்ல, உடலுக்கும் நிறையவே நன்மை அளிக்கிறது' என, தெளிவுப்படுத்தியுள்ளார். "பருப்பை உயிர் காக்கும் உணவு' என்றே அழைக்கிறார் சைமன்.

Source: http://www.dinamalar.com

பெண்களுக்கு பெரும் ஆபத்து: நீரழிவு நோய் பிடியில் 5 கோடி இந்தியர்கள்; ஆண்டுக்கு 10 லட்சம் பேர் உயிரிழப்பு

இந்தியாவில் எந்த நோயும் ஏற்படுத்தாத பாதிப்பை இப்போது நீரழிவு ஏற்படுத்தி கொண்டிருக்கிறது. மோசமான உணவு பழக்கம், உடல் உழைப்பு, உடற்பயிற்சி இல்லாமை சுற்றுச்சூழல் பாதிப்பு, மன அழுத்தம் போன்றவற்றால் நீரழிவு நோய் இந்தியர்களை குறிவைத்து தாக்குகிறது.

உலகத்திலேயே இப்போது இந்தியாவில் தான் அதிக நீரழிவு நோயாளிகள் இருப்பதாக சர்வதேச நீரழிவு நோய் தடுப்பு கூட்டமைப்பு தெரிவிக்கிறது.

இந்த அமைப்பு எடுத்த ஒரு கணக்கெடுப்பு படி இந்தியாவில் அடுத்த ஆண்டு 5 கோடியே 8 லட்சம் பேர் நீரழிவு நோயாளிகளாக இருப்பார்கள். இது 20, 30-ம் ஆண்டு 8 கோடியே 70 லட்சமாக உயர்ந்து விடும்.

அடுத்த ஆண்டு முதல் ஒவ்வொரு ஆண்டும் 10 வயதில் இருந்து 79 வயதுக்கு உட்பட்டோரில் 10 லட்சத்து 7 ஆயிரம் பேர் நீரழிவால் உயிரிழப்பார்கள்.

இதில் பெண்கள் எண்ணிக்கையே அதிகமாக இருக்கும் ஒவ்வொரு ஆண்டும் 5 லட்சத்து 81 ஆயிரம் பெண்கள் உயிரிழப்பார்கள்.

இப்போது பெரியவர்களில் 100-ல் 7 பேருக்கு நீரழிவு நோய் இருக்கிறது. இது 2030-ல் 8.4 ஆக அதிகரித்து விடும்.

நீரழிவு நோய் பாதிப்பில் சீனா 2-வது இடத்தில் உள்ளது. அங்கு இப்போது 4 கோடியே 32 லட்சம் பேருக்கு நீரழிவு உள்ளது. 2030-ம் ஆண்டு அது 6 கோடியே 21 லட்சமாக அதிகரிக்கும்.

பாகிஸ்தானில் 71 லட்சம் பேர் பாதிக்கப்பட்டு உள்ளனர். உலக வரிசையில் பாகிஸ்தான் 7-வது இடத்தில் உள்ளது. இது 2030-ல் 1 கோடியே 38 லட்சமாக அதிகரித்து உலகில் 4-வது இடத்துக்கு வந்து விடும்.

உலக அளவில் 1985-ம் ஆண்டு 3 கோடி நீரழிவு நோயாளிகள் இருந்தனர். 2000-ம் ஆண்டு அது 15 கோடி ஆனது. அடுத்த ஆண்டு அது 28 கோடியே 50 லட்சம் ஆகிவிடும்.

40 வயதில் இருந்து 59 வயதுக்கு உட்பட்டவர்களே அதிக பாதிப்புக்கு ஆளாவார்கள். அடுத்த ஆண்டு இந்த வயதினர் 13 கோடியே 20 லட்சம் பேருக்கு நீரழிவு நோய் இருக்கும். இது 2030-ல் 18 கோடியே 80 லட்சமாக இருக்கும்.

அடுத்த ஆண்டு கணக்குபடி 14 கோடியே 30 லட்சம் பெண்களுக்கும் 14 கோடியே 20 லட்சம் ஆண்களுக்கும் நீரழிவு நோய் இருக்கும். 2030-ம் ஆண்டில் 22 கோடியே 20 லட்சம் ஆண்களும், 21 கோடியே 60 லட்சம் பெண்களும் நீரழிவால் பாதிக்கப்படுவார்கள்.

கிராம மக்களை விட நகர மக்களையே நீரழிவு அதிகம் தாக்கும். அடுத்த ஆண்டு 11 கோடியே 30 லட்சம் நகர மக்களும், 7 கோடியே 80 லட்சம் கிராம மக்களும் நீரழிவுக்கு ஆளாவார்கள். 2030-ம் ஆண்டு 22 கோடியே 80 லட்சம் நகர மக்களையும் 9 கோடியே 90 லட்சம் கிராம மக்களையும் இந்த நோய் தாக்கும்.

உலக அளவில் அடுத்த ஆண்டு மட்டும் 20 வயதில் இருந்து 79 வயதுக்கு உட்பட்டோரில் 40 லட்சம் பேர் நீரழிவுக்கு உயிரிழப்பார்கள். இதில் இந்தியா, சீனா, அமெரிக்கா, ரஷியா ஆகிய நாடுகளில் தான் அதிகம் பேர் பலியானார்கள்.

உலக அளவில் நீரழிவு நோய்க்குதான் அதிக மருத்துவ செலவு செய்யப்படும் அடுத்த ஆண்டு மட்டும் ரூ.19 லட்சம் கோடி மருத்துவ செலவு செய்யப்படும்.

இது உலக அளவில் செய்யப்படும் மருத்துவ செலவில் 11.6 சதவீதமாகும். இது 2030-ம் ஆண்டில் ரூ.24 லட்சம் கோடியாகிவிடும்.

மற்ற நோய்களை விட அதிக உயிரை குடிக்கும் மோசமான நோயாக நீரழிவு உள்ளது. ஆனால் எந்த நாடுமே இதை தடுக்க சரியான நடவடிக்கை எடுக்கவில்லை என்று சர்வதேச நீரழிவு நோய் தடுப்பு கூட்டமைப்பு கூறுகிறது.

இதன் இயக்குனர் அனுப் மிஸ்ரா கூறும் போது பிரசவ காலத்தில் பெண்கள் சரியான ஊட்டச்சத்து சாப்பிடுதல், 10 வயதுக்கு பின்னர் தேவையான உடல் உழைப்புகளை மேற்கொள்ளுதல் மூலம் நீரழிவை தடுக்கலாம் என்றார்.

Source: http://www.maalaimalar.com

தவறான உணவு பழக்கத்தால் இந்தியாவில் 6 கோடி பேர் எலும்பு தேய்மானத்தால் அவதி; அடுத்த 40 ஆண்டுகளில் 30 கோடி பேரை பாதிக்கும் அபாயம்

பீகார் மாநிலம் பாட்னாவில் எலும்பு மூட்டு அறுவை சிகிச்சை நிபுணர்கள் சங்கம் சார்பில் நேற்று எலும்பு தேய்மான விழிப்புணர்வு தினம் கடை பிடிக்கப்பட்டது. இவ்விழாவில் பிரபல எலும்பு மூட்டு அறுவை சிகிச்சை நிபுணர் அமுல்யா குமார் சிங் பேசும்போது கூறியதாவது:-

மற்ற நாடுகளை விட இந்தியாவில்தான் எலும்பு தேய்மான (ஆஸ்ட்ரியோ போரசிஸ்) நோயால் பாதிக்கப்பட்டவர்களின் எண்ணிக்கை அதிகமாக உள்ளது. தற்போது நம்நாட்டில் 6 கோடி பேர் எலும்பு தேய்மான நோயால் அவதிப்பட்டு வருகிறார்கள். அடுத்த 40 ஆண்டுகளில் 30 கோடி பேரை இந்நோய் பாதிக்கும் அபாயம் உள்ளது.
இந்நோய் ஏற்படுவதற்கு கால்சிய குறைபாடுதான் காரணம். இந்நோய் ஏற்பட முக்கிய காரணம் தவறான உணவுப்பழக்கம்தான். மேலும் மது, புகை பிடிக்கும் பழக்கம் உள்ளவர்களையும் இந்நோய் அதிக அளவில் தாக்குகிறது.

இந்நோய் பாதிப்பு உடையவர்களுக்கு தொடக்க அறி குறியாக மூட்டின் மேல் பகுதியில் லேசான வலி, குதிகாலில் வலி ஏற்படும். சிலருக்கு முதுகுப் பகுதியில் விட்டு விட்டு வலி வரும்.

இத்தகைய அறிகுறிகள் காணப்பட்டால் உடனடியாக மூட்டு மாற்று அறுவை சிகிச்சை நிபுணர்களை சந்தித்து சிகிச்சை பெறுவது நல்லது.

தற்போது நாம் உண்ணும் உணவுகள் அனைத்திலும் ரசாயனம் (கெமிக்கல்) அதிக அளவில் உள்ளதால் எலும்பு தேய்மானம் ஏற்படுகிறது. எலும்பு தேய்மானத்திற்கான அறிகுறி இருப்பவர்கள் கால்சியம் சத்து அதிகம் உள்ள பழங்கள், காய்கறிகளை சாப்பிட வேண்டும்.

இவ்வாறு அவர் கூறினார்.

Source: http://www.maalaimalar.com

ஆஸ்திரேலியாவில் குழந்தைகள் டெலிவிஷன் பார்க்க தடை

சிட்னி, அக்.13-

குழந்தைகள் நல்வாழ் விற்காக ஆஸ்திரேலியா நாட்டு அரசு ஒரு வழி காட்டுதல் நெறிமுறையை வகுத்துள்ளது. அதன்படி 2 வயதுக்குட்பட்ட குழந்தைகள் டெலிவிஷன் பார்க்க தடை விதிக்கப்பட்டுள்ளது.

2 வயதுக்குட்பட்ட குழந்தை கள் டெலிவிஷன் பார்ப்பதால் அவர்களின் மொழி பயிற்சி தடைபடுகிறது. ஓடியாடி விளையாடாமல் ஒரே இடத் தில் டி.வி. நிகழ்ச்சிகளை பார்ப்பதால் அவர்களின் உடல் குண்டாக வாய்ப்பு ஏற்படுகிறது என்று அதில் தெரிவிக்கப்பட்டுள்ளது.

மேலும், 2 வயது முதல் 5 வயதுக்குட்பட்ட குழந்தைகள் நாள் ஒன்றுக்கு ஒரு மணி நேரம் மட்டும் டி.வி. அல்லது டி.வி.டி.யில் நிகழ்ச்சிகளை பார்க்கலாம் என பரிந்துரை செய்யப்பட்டுள்ளது.

சமீபத்தில் ஆஸ்திரேலிய அரசு ஒரு சர்வே நடத்தியது. அதில் பிறந்த 4 மாத குழந்தை நாள் ஒன்றுக்கு 44 நிமிடம் டி.வி. பார்ப்பதும், 4 வயதுக்குட்பட்ட குழந்தைகள் 3 மணி நேரத்தை டி.வி. பார்ப்பதில் கழிப்பதும் தெரியவந்தது.

இதனால் பள்ளிகளில் 6 முதல் 8 சதவீதம் வரை உடல் பருமனான குழந்தைகள் உள்ளனர். இதை தடுக்கவே இதுபோன்ற நெறிமுறை வகுக்கப்பட்டுள்ளதாக தெரிகிறது. இதற்கிடையே குழந்தைகள் அதிகநேரம் டி.வி. பார்ப்பதை பெற்றோர்களும் தடுக்க வேண்டும் என்றும் அறிவுறுத்தப்பட்டுள்ளது.

சிகரெட் பிடிக்க தடையால் மாரடைப்பு 40 சதவீதம் சரிவு

வாஷிங்டன் : பொது இடங்களில் சிகரெட் பிடிக்க விதிக்கப்பட்ட தடையால், அமெரிக்க நகரில் மாரடைப்பால் பாதிக்கப்படுவோர் எண்ணிக்கை 40 சதவீதம் குறைந்துள்ளது! அமெரிக்காவில் உள்ள கொலராடோ மாகாணத்தில் உள்ள பியூபியோ நகராட்சி, பொது இடங்களில் சிகரெட் பிடிக்க தடை விதித்து 2003ல் தீர்மானம் நிறைவேற்றியது. இதையடுத்து, பொது இடங்களில் சிகரெட் பிடிப்பவர்களை போலீஸ் பிடித்து அபராதம் விதித்தும் வந்தது. ஆனால், பொது இடங்களில் சிகரெட் பிடிப்பது படிப்படியாக குறைந்து விட்டது. இதன் விளைவு, கடந்த மூன்றாண்டுகளில் தெரியவந்துள்ளது.
ஆண்டுக்கு 500 பேருக்கு மேல் மாரடைப்பால் பாதிக்கப்பட்டு மருத்துவமனையில் சிகிச்சை பெற்று வந்த இந்த நகரில், கடந்த மூன்றாண்டாக மாரடைப்பு பாதிப்பு எண்ணிக்கை படிப்படியாக குறைந்து விட்டது. கடந்த 2006ல், மாரடைப்பால் பாதிக்கப்படுவோர் எண்ணிக்கை 390 ஆக குறைந்தது; கடந்தாண்டு 230 ஆக குறைந்துள்ளது. சமீபத்தில் எடுத்த கணக்கெடுப்பில், மொத்தத்தில் மாரடைப்பு பாதிப்பு 40 சதவீதம் குறைந்து விட்டது கண்டுபிடிக்கப் பட்டுள்ளது. தொற்று நோய் தடுப்பு சிகிச்சை மைய தலைவர் டாக்டர் ஜானெட் காலின்ஸ் கூறுகையில்,"பொது இடங்களில் சிகரெட் பிடிப்பதால் , அதை பிடிப்பவர்களுடன், சிகரெட் பிடிக்காத மற்றவர்களுக்கும் ரத்த அழுத்தம் உட்பட பாதிப்பு ஏற்படுகிறது. கடந்த சில ஆண்டுகளில், இது போன்ற பாதிப்புக்கு உள்ளானவர்கள் தான் அதிகமாக இருந்தனர். பொது இடங்களில் சிகரெட் பிடிக்க தடை விதிக்கப்பட்டதை அடுத்து, சிகரெட் பிடிக்காத மற்றவர்களில் பாதிக்கப்படுவோர் எண்ணிக்கை வெகுவாக குறைந்து விட்டது' என்று தெரிவித்தார்.

சாக்லெட், பிஸ்கட் கலர் கலர் பாக்கெட் சிப்சாகட்டும்... பெரும்பாலும் கெடுதல் தான்

ஐம்பது பைசாவில் இருந்து, நூறு ரூபாய் வரைக்கும், வாய்க்கு ருசியாகவும், வயிற்றுக்கு உபாதையாகவும் இருக்கும் ஏகப்பட்ட கலர் கலராய் மொறுமொறு பாக்கெட்கள் , சந்தையில் குவிந்து வருகின்றன. காய்கறி, பழங்கள் வாங்கும் அளவை விட, இந்த வகை பாக்கெட் உணவுகள் விற்பனை தான் கொடிகட்டிப் பறக்கிறது. "உடல் கும்மென்று இருக் கும்; மூளை சுறுசுறுப்பாகும்; களைப்பே இருக்காது; சத்துக்கள் உள்ளது' என்று எவ்வளவோ பம்மாத்து அறிவிப்புகளுடன் இந்த கலர் பாக்கெட்கள் விற்பனைக்கு வந்தாலும், உண்மையில், அவற்றில் சத்துக்கள் இருக்கின்றனவா என்பது பெரும் கேள்விக்குறியே. அதில் சத்துக்கள் இருக்கிறதா, அது உடம்புக்கு நல்லதில்லையே என்ற சிந்தனை, குட்டீஸ்களுக்கு தெரிய வாய்ப்பில்லை. ஆனால், இந்த தலைமுறை பெற்றோர்களுக்கும் தெரியாமல் இருப்பது தான் வேதனை.
குட்டீசை கெடுப்பது...
குழந்தைகளுக்கு அவற்றை வாங்கித் தருவதில் தான் அதிக அக்கறை காட்டுகின்றனர். "டிபன் செய்து தர நேரமில்லை; அப்படியே செய்தாலும் சாப்பிடுவதில்லை. ஆனால், மொறுமொறு...ன்னு பாக்கெட் வாங்கித்தந்தால் ஒரு நிமிடத் தில் காலி செய்து விடுகிறது என் குழந்தை' என்று பெருமையாக சொல்லும் தாய்களும் இருக்கின்றனர். ஒரு வகையில் குழந்தைகளை தவறான உணவுப்பழக்கத்துக்கு ஆட்படுத்துவது பெற்றோரின் அலட்சியம் தான். குழந்தைப்பருவத்தில் இருந்தே காய்கறி, பழங்களை அதிகம் சாப்பிடும் பழக்கம் பல குழந்தைகளுக்கு ஏற்படுகிறது; இதற்கும் பெற்றோர் தான் காரணமாக இருக்கின்றனர்.
டீன்–ஏஜ் குஷி
"டீன் ஏஜ்' வயதினரை கேட்கவே வேண்டாம்; அதிலும் கைநிறைய சம்பாதிக்க ஆரம்பித்துவிட்டால், எப்போ தும் கையில் கோலா, கலர் பாக்கெட் மொறுமொறுக்கள்; தரமானதா என்று கூட பார்க்காமல் வாங்கும் நூடுல்ஸ் போன்ற சமாச்சாரங்கள்.
கல்லூரியில் படிக்கும், வேலைக்கு போகும் இளம் வயதினருக்கு ஜீன்ஸ், அரை குறை சட்டை, மொபைல், ஐபாட், இன்டர்நெட் சேட்டிங் தான் குஷி என்று நினைக்கின்றனர். உணவுப்பழக்கத்திலும் இப்படி காசை கொட்டி, தவறான பழக் கத்துக்கு ஆளாகின்றனர்.
எந்த சத்தும் இல்லை
இப்போது சந்தையில் சர்வதேச பிரபல நிறுவனங் கள், இந்திய பிரபல நிறுவனங்களின் மொறு மொறு பாக்கெட்கள் குவிந்துள் ளன. அவற்றில் எந்த அளவுக்கு சத்துக்கள் உள்ளன என்பதை போடுவதே இல்லை.
சிகரெட் பிடிக்கக் கூடாது என்பதில் மிகவும் அக்கறை காட்டும் மத்திய சுகாதார அமைச்சர் எடுக்கப்போகும் அடுத்த அஸ்திரம் , சத்தில்லா உணவு பாக்கெட்களுக்கு கிடுக்கிப்பிடி தான். எல்லா கலர் உணவு பாக்கெட்கள் மீதும் எவ்வளவு சத்துக்கள் உள்ளன என்பதை சதவீதமாக போட வேண்டும் என்று கட்டாய உத்தரவை அமல்படுத்த உள்ளார்.
என்ன சத்துக்கள்?
இனிப்பு சேர்க்கக்கூடாது; குறைந்த கொழுப்பு, கொலஸ்ட்ரால், ஸ்டார்ச், கலோரி இருக்க வேண்டும். இது தான் சத்தான உணவு வகை. ஆனால், இப்போது கலர்புல் பாக்கெட்கள் விற்பனையில், புற்றீசல் போல, உள்ளூர் பிராண்டுகள் வேறு பரவி விட்டன.
இவற்றில், அதிக கொழுப்பு, இனிப்பு, கொலஸ்ட்ரால் உள்ளன. இவற்றை ஒருவர் பத்து ஆண்டுகள் சாப்பிட்டு வந்தால் சர்க்கரை வியாதி, ரத்த அழுத்தம் நிச்சயம் என்கின்றனர் டாக்டர்கள்.
டிரான்ஸ்பேட்
கொழுப்பில் மோசமானது "டிரான்ஸ் பேட்' என்பது. இது தான் பல மொறுமொறுக்களில் உள்ளது. இதனால், ரத்த அழுத்தம், சர்க்கரை நோய் வரும் ஆபத்து உள்ளது. இந்த மொறுமொறுக்களை சாப்பிட்டுவரும், இளம் வயதினர் , நடுத்தர வயதை அடையும் போது இந்த கோளாறுகள் தலைதூக்க ஆரம்பிக்கும். பெரும்பாலான பாக்கெட்களில், புரோட்டீன், கார்போஹைட்ரேட், கனிம, வைட்டமின் சத்துக்கள் பற்றி போடுவதே இல்லை.
கலோரி, கொழுப்பு
மொறுமொறுக்களில், கலோரியும் அதிகம்; கொழுப்பும் அதிகம். அதனால், இவை குறைவாக உள்ள பாக்கெட்களை வாங்க வேண்டும். கொழுப்பு மிகுந்த சிப்ஸ்கள், குக்கீஸ் போன்ற மொறுமொறுக்களில், அதிக பட்சம் கொழுப்பில் இருந்து 30 சதவீதம் மேல் கலோரி வராமல் பார்த்துக்கொள்ள வேண்டும். நல்ல ஆரோக்கியமாக இருப்பவராக இருந்தால், ஒரு நாளைக்கு 300 மில்லி கிராம் கொழுப்பு போதும்; இதய, சர்க்கரை பாதிப்பு உள்ளவராக இருந்தால், இந்த அளவை விட குறைவான கொழுப்பு போதுமானது.
உப்பு பெறாத...
உப்பு, சர்க்கரை இரண்டுமே சிறிய வயதில் இருந்தே குறைத்து கொண்டு வந்தால், அவர்களுக்கு சர்க்கரை வியாதி, இதய பாதிப்பு அண்டவே செய்யாது. ஒரு நாளைக்கு ஒரு டீஸ்பூனை விட குறைவான உப்பு போதும்.
உடலுக்கு சக்தி வேண்டும்; அதற்காக, கார்போஹைட்ரேட் தேவை. காய்கறிகள், பழங்கள், தானிய வகைகள் ஆகியவற்றில் தான் இந்த சத்து உள்ளது. வைட்டமின், கனிம சத்துக்களை 100 சதவீதம் வரை சாப்பிட்டாலும், உட லுக்கு நல்லது தான்.ஒருவருக்கு ஒரு நாளைக்கு அதிகபட்சம் 1,600ல் இருந்து 2,000 கலோரி வரை தேவை.

வெயிட் குறையணுமா? - நெகட்டிவ் கலோரி புட்

அதிகம் சாப்பிடுவதை குறைக்க முடியலே; அதுபோல மொறுமொறுக்களையும் விட மனசில்லை. அப்படியானால், கலோரி அதிகமாகத்தானே செய்யும். அதை குறைக்க வழியென்ன என்று தவியாய் தவிக்கின்றனர் பலரும்.
உண்மையில் வெயிட் குறைய கண்டிப்பாக, கலோரி அளவை பார்த்துத்தான் எதையும் சாப்பிட வேண்டும்; முதல் கட்டமாக, மொறுமொறுக்களை கைவிட வேண்டும்; காய்கறி, பழங்களை சாப்பிட ஆரம்பிக்க வேண்டும்.
நெகட்டிவ் கலோரி புட்
எந்த காய்கறி, பழம் உட்பட உணவுப் பொருட்களை எடுத்துக்கொண்டாலும், கலோரி குறைவாக இல்லை. அப்படியானால், என்னதான் வழி? கவலைப்பட வேண்டாம்; நெகட்டிவ் கலோரி உணவு வகைகளை சாப்பிட ஆரம்பிக்கலாம்.
நீங்கள் சாப்பிடும் உணவு 50 கலோரி உள்ளது என்றால், அதை ஜீரணிக்க உடலில் 65 கலோரியை செலவழிக்க வேண்டும். இப்படிப் பட்ட சூழ்நிலையில், ஒரு பக்கம் வாய்க்கு ருசியாக சாப்பிட்ட மாதிரியும் ஆகிவிட்டது; உடலில் உள்ள கலோரியில் 15 கலோரி சத்தை குறைத்த மாதிரியும் ஆகிவிட்டதே!
அதிக வைட்டமின் கனிம சத்துக்கள்
நெகட்டிவ் கலோரி உணவு வகைகளால் ஒரு முக்கிய லாபம் இருக்கிறது. இந்த வகை உணவுகளில் அதிக வைட்டமின், கனிம சத்துக்கள் உள்ளன. அதனால், கலோரி குறைவதுடன், சத்துக்களும் உடலில் சேரும்.
உடலில் எதிர்ப்பு சக்தியும் வெகுவாக அதிகரிக்க வாய்ப்பு இந்த உணவு வகைகளால் ஏற்படுகிறது. நாளடைவில், இந்த உணவுகளை தவிர, சாட் புட் போன்றவற்றை சாப்பிடக்கூட மாட்டீர்கள்.
தோற்றப்பொலிவு உணவிலும் கூடவா?
கடையில் வெள்ளரிக்காய் உட்பட சில காய்கறிகள் இருக்கிறதா என்று பார்த்து பார்த்து அள்ளுபவர்களும் இருக்கின்றனர்; அந்தப் பக்கமே திரும்பாதவர்களும் இருக்கின்றனர். இரண்டாமவருக்கு ஒன்று, வெள்ளரிக்காய் பிடிக்காமல் இருக்கலாம்; இரண்டாவது, அது பற்றி தெரியாமல் இருக்கலாம்.சில காய்கறிகள், பழங்களை பார்த்தாலே சிலருக்கு அலர்ஜியாக இருக்கிறது. தோற்றப் பொலிவை பார்த்து தான் இவர்கள் உணவை கூட தேர்ந்தெடுக்கின்றனர். இது பெரும் தவறு.
வெள்ளரிக்காய் முதல் சாய்ஸ்
வெள்ளரிக்காய் பற்றி பலருக்கு தெரியாது. உடலுக்கு ஏகப்பட்ட வைட்டமின், கனிம சத்துக்களை தருவதுடன், கலோரியை அதிகமாக இழக்கவும் செய்கிறது.வெள்ளரிக்காயை சும்மாவே சாப்பிடலாம்; காலை சிற்றுண்டியில் ஒரு பகுதியாக சாப்பிடலாம். உணவிலும் சேர்த்து சமைக்கலாம். பகல் உணவு மட்டுமல்ல, இரவு டின்னரிலும் சேர்த்துக்கொள்ளலாம்.

தலை மட்டும் பெரிதாகும் குழந்தை

பெங்களூரு: பிறந்து ஏழு மாதமே ஆன குழந்தையின் தலை நாளுக்கு நாள் பெரிதாவதால் மருத்துவத் துறையினருக்கு பெரும் சவால் ஏற்பட்டுள்ளது. "குணப்படுத்த முடியாது' என்று டாக்டர்கள் பலரும் கை விரித்து விட்டனர். பெங்களூரு சிவாஜி நகர் காளியம்மன் கோவில் தெருவைச் சேர்ந்தவர் பிரேம்குமார் (28). இந்திரா நகர் தனியார் கம்பெனியில் ஆபீஸ் பாயாக வேலை செய்து வருகிறார். அவரது மனைவி விஜயலட்சுமி (22). இருவருக்கும் மூன்று ஆண்டுக்கு முன் திருமணம் நடந்தது.
விஜயலட்சுமி சென்னை பெரம்பூரைச் சேர்ந்தவர். அவர்களுக்கு முதலில் ரித்திக் (2) என்ற மகன் பிறந்தான். அதையடுத்து ஏழு மாதம் முன் பெண் குழந்தை ஒன்று மருத்துவமனையில் பிறந்தது. பிறக்கும் போதே குழந்தையின் தலை பெரிதாக இருந்தது. "தலையில் நீர் வைத்துள்ளது, சிகிச்சை செய்தால் சரியாகும்' என்றும் டாக்டர்கள் கூறினர். பெண் குழந்தைக்கு ரூபா என்று பெயர் சூட்டினர். குழந்தையின் தலை மட்டும் நாளுக்கு நாள் பெரிதாகிக்கொண்டே செல்கிறது. அதனால் பெற்றோர் மிகுந்த மனவருத்தமடைந்தனர்.
பால், தண்ணீர் போல திரவ உணவுகளை மட்டுமே சாப்பிட முடியும். திட உணவுகளை சாப்பிட முடியாது. தலைக்கு கீழே உள்ள பகுதிகள் எந்தவித வளர்ச்சியும் இல்லாமல் அசைவற்று இருக்கிறது. பிறக்கும் போது 3.4 கிலோ எடை கொண்டதாக இருந்தது. தலை கொஞ்சம் கொஞ்சமாக வளரத் தொடங்கியது. தற்போது எட்டு கிலோ எடை கொண்டதாக உள்ளது. அதிர்ச்சியடைந்த ரூபாவின் பெற்றோர், பெங்களூரு நிமான்ஸ் மருத்துவமனைக்கு கொண்டு சென்றனர். டாக்டர்கள் தீவிரமாக பரிசோதித்தனர்.
குழந்தை அருந்தும் பால், தண்ணீரில் 10 சதவீதம் மட்டுமே வயிற்றுக்குள் செல்கிறது. மீதம் உள்ள 90 சதவீதம், தலைக்குள் சென்று சேருவதால் தலை நாளுக்கு நாள் வளர்ந்து வருவதாக தெரிவித்தனர். அதை ஆபரேஷன் மூலம் குணப்படுத்துவது மிகவும் கடினம். அப்படியும் ஆபரேஷன் செய்தால், உயிர் பிழைக்க 10 சதவீதம் மட்டுமே சாத்தியம் என்று டாக்டர்கள் கைவிரித்துவிட்டனர். குழந்தை ரூபாவின் கண்பார்வையும் நாளுக்கு நாள் தெரியாமல் போனது.
பெங்களூரில் உள்ள செயின்ட் ஜான்ஸ் மருத்துவமனைக்கு குழந்தையை கொண்டு சென்றனர். அங்கும், "குணப்படுத்த முடியாது' என்று டாக்டர்கள் கைவிரித்து விட்டனர். ஆனாலும், மனம் தளறாத ரூபாவின் பெற்றோர், சென்னை பேபி மருத்துவமனை, வேலூர் சி.எம்.சி., ஆந்திராவில் உள்ள குப்பம் மருத்துவமனை, மும்பையிலுள்ள சில மருத்துவமனைகளில் சிகிச்சைக்கு கொண்டு சென்றனர். அனைத்து டாக்டர்களும், "குணப்படுத்த முடியாது' என்ற ஒரே பதிலையே கூறினர்.
தற்போது குழந்தையின் தலை, அதன் உருவத்தை விட பல மடங்கு பெரியதாக உள்ளது. குழந்தையை குணப்படுத்த ரூபாவின் பெற்றோர், ஏழ்மை நிலையிலும் லட்சக்கணக்கில் செலவு செய்து விட்டனர். தற்போது செய்வதறியாமல் திகைத்து நிற்கின்றனர். ரூபாவுக்கு என்ன நோய் என்பது குறித்து அவரை பரிசோதித்த டாக்டர் ராய் கூறுகையில், ""இந்த குழந்தைக்கு வந்துள்ளது "பிரைன் மேன்டல்' என்று பெயர். அதை குணப்படுத்துவது கடினம். குழந்தையால் திட உணவு சாப்பிட முடியாது. திரவ உணவு மட்டுமே சாப்பிட முடியும். அதுவும் 90 சதவீதம் தலைக்குள் சென்று விடுகிறது. 10 சதவீதம் மட்டுமே வயிற்றுக்குள் செல்கிறது.
""ஏற்கனவே தமிழகத்திலும், அசாம் மாநிலத்திலும் இதுபோன்ற குழந்தைகள் பிறந்துள்ளன. அந்த குழந்தைகளை ஆபரேஷன் மூலம் குணப்படுத்தியுள்ளனர். இந்த குழந்தைக்கு உள்ள பிரச்னை, மற்ற இரு குழந்தையை காட்டிலும் வித்தியாசமானது. இக்குழந்தை மருத்துவ உலகிற்கே சவாலாக விளங்குகிறது. எத்தனை நாள் உயிர் வாழுமோ, அதுவரை தலை பெரிதாகிக் கொண்டே செல்லும்,'' என்றார்.

தீபாவளியன்று ரூ_100 கோடி சரக்கு விற்பனை 'டாஸ்மாக்' சாதனை

தமிழக டாஸ்மாக் கடைகளில் தீபாவளியன்று சரக்கு விற்பனை இரு மடங்கு அதிகரித்தது. தீபாவளி தினத்தன்று மட்டும் "டாஸ்மாக்'கில் மது விற்பனை 100 கோடி ரூபாய்க்கு எகிறியுள்ளது. முந்தைய நாளான ஞாயிற்றுக்கிழமையும் 100 கோடி ரூபாய்க்கு விற்பனை எட்டியதால், மது விற்பனை வரலாற்றில் புதிய சாதனை படைக்கப்பட்டுள்ளது.தமிழகம் முழுவதும் உள்ள 6,700 டாஸ்மாக்
கடைகளில் அயல்நாட்டு மதுபானங்கள் மற்றும் பீர் விற்பனை செய்யப்பட்டு வருகிறது. சென்னையில் 500க்கும் மேற்பட்ட டாஸ்மாக் கடைகளில் "சரக்கு' விற்பனை செய்யப்படுகிறது. டாஸ்மாக் விற்பனை ஆண்டுக்காண்டு அதிகரித்து வருகிறது.இதன் மூலம், அரசுக்கு கிடைக்கும் வருமானம் 10 ஆயிரம் கோடி ரூபாயைத் தாண்டியுள்ளது.

அரசு தீவிர முயற்சி: சாதாரண நாட்களை விட பொங்கல், புத்தாண்டு, தீபாவளி உள்ளிட்ட பண்டிகைக் காலங்களில் விற்பனை இரு மடங்கு அதிகரித்து வந்துள்ளது. விழாக்களில் புத்தாடை, பலகாரம் போன்றவையோடு மதுபான விருந்தையும் சேர்த்துக்கொள்ளும் அளவுக்கு நிலைமை மாறியிருப்பதே இதற்கு காரணம்."டாஸ்மாக்' மூலம் கிடைக்கும் கோடிக்கணக்கான ரூபாய் வருமானத்தைக் கொண்டே அரசின் பல்வேறு நலத்திட்ட உதவிகள் நடைமுறைப்படுத்தப்பட்டு வருகின்றன. இதன் காரணமாக "டாஸ்மாக்' விற்பனையை அதிகரிக்க, அரசு தீவிர முயற்சிகளை எடுத்து வருகிறது. மாவட்ட வாரியாக சரக்கு விற்பனைக்கு இலக்கு நிர்ணயித்து, மாதந்தோறும் விற்பனையை பெருக்கி வருகிறது.கடந்த ஆண்டு தீபாவளி பண்டிகையின்போது, சாதனை அளவாக, ஒரே நாளில் 60 கோடி ரூபாய்க்கு சரக்கு விற்பனை நடந்தது.

"டாஸ்மாக்' நிர்வாகம் முழுமூச்சில் : சாதாரண நாட்களில் விற்பனை செய்யப்படும் மது வகைகளை விட, இரு மடங்கு மதுபான வகைகளும், மூன்று மடங்கு பீர் வகைகளும் விற்பனையாகின. சென்னையில் மட்டும் நான்கு கோடி ரூபாய்க்கு விற்பனையானது.இந்த ஆண்டு தீபாவளியை ஒட்டி, குடிமகன்களுக்கு தட்டுப்பாடின்றி சரக்கு கிடைக்க "டாஸ்மாக்' நிர்வாகம் முழுமூச்சில் இறங்கியது. மாநிலம் முழுவதும் உள்ள அனைத்து கடைகளிலும் கூடுதலாக சரக்குகள் டெலிவரி செய்யப்பட்டன. தீபாவளிக்கு முந்தைய நாளான ஞாயிற்றுக்கிழமையிலும் டாஸ்மாக் கிடங்குகள் திறந்து வைக்கப்பட்டு, சரக்கு டெலிவரி செய்யப்பட்டது.

ரம், பிராந்தி, விஸ்கி, வோட்கா, ஒயின் :
தீபாவளியன்றும் அனைத்து அதிகாரிகள் மற்றும் பணியாளர்களும் முழுவீச்சில் பணியில் ஈடுபட்டனர். தீபாவளிக்கு முந்தைய நாளான ஞாயிற்றுக்கிழமை (26ம் தேதி) முதலே டாஸ்மாக் கடைகளில் குடிமகன்களின் கூட்டம் அலைமோதியது. விடுமுறை நாளையொட்டி பாவளி
வந்ததால், இரு நாட்களிலும் விற்பனை களை கட்டியது.சாதாரண நாட்களில் ரம், பிராந்தி, விஸ்கி, வோட்கா, ஒயின் உள்ளிட்ட அயல்நாட்டு மது வகைகள், ஒரு லட்சத்து 20 ஆயிரம் பெட்டிகள் முதல் ஒரு லட்சத்து 30 ஆயிரம் பெட்டிகள் வரை நாள் ஒன்றுக்கு விற்பனையாகி வந்தது. தீபாவளி மற்றும் அதற்கு முந்தைய நாளான ஞாயிற்றுக்கிழமை (26ம் தேதி) ஆகிய இரு நாட்களிலுமே இந்த விற்பனை இரு மடங்கானது

இதன்படி, இரு நாட்களிலும் சேர்த்து நான்கு லட்சம் பெட்டிகள் அயல்நாட்டு மது விற்பனையாகி, புதிய சாதனை படைக்கப்பட்டுள்ளதாக டாஸ்மாக் அதிகாரிகள் தரப்பில் கூறப்படுகிறது. சராசரியாக நாள் ஒன்றுக்கு 45 கோடி ரூபாய் முதல் 60 கோடி ரூபாய் வரை டாஸ்மாக் மூலம் விற்பனை நடந்து வருகிறது. இது, தீபாவளியன்றும், முந்தைய தினமான ஞாயிற்றுக்கிழமையும் தலா 100 கோடி ரூபாயை தாண்டி சாதனை படைத்துள்ளது.சென்னையில் மட்டும் ஏழு கோடி ரூபாய்க்கு மேல் டாஸ்மாக் விற்பனை நடந்துள்ளது. சேலத்தில் இரண்டு நாட்களிலும் எட்டு கோடி ரூபாய்க்கு விற்பனை நடந்துள்ளது.சாதாரண நாட்களில் மாநிலம் முழுவதும் 60 ஆயிரம் பெட்டிகள் பீர் விற்பனை நடந்து வந்தது. இது தீபாவளியன்று மூன்று மடங்கு அதிகரித்து ஒரு லட்சத்து 90 ஆயிரம் பெட்டிகள் பீர் விற்பனையாகியுள்ளது.

சரக்குகள் விலை அதிகரிப்பு: கடந்த ஆண்டு டிசம்பர் 12ம் தேதி மதுபானங்கள் விலை ஏற்றப்பட்டது. அப்போது குவாட்டருக்கு நான்கு ரூபாய் என்ற அடிப்படையில் அதிகரிக்கப்பட்டது. விலையேற்றம் செய்யப்பட்டு 10 மாதங்கள் கூட ஆகாத நிலையில், மீண்டும் மறைமுகமாக விலை ஏற்றம் செய்யப்பட்டுள்ளதால் குடிமகன்கள் திர்ச்சியடைந்துள்ளனர்.வழக்கமாக விற்பனையாகும் சரக்குகளின் பெயரில் கூடுதலாக "டீலக்ஸ்' என்ற லேபிள் சேர்க்கப்பட்டு, விலை ஏற்றப்பட்டுள்ளது. பழைய பெயரில் உள்ள சரக்குகள் "சப்ளை' நிறுத்தப்பட்டு, பெயர் மாற்றம் செய்யப்பட்ட மது வகைகள் மட்டுமே
"டாஸ்மாக்' மதுக்கடைகளுக்கு விற்பனைக்கு அனுப்பப்படுகிறது.

குடிமகன்கள் அதிருப்தி : உதாரணமாக, "சிவாஸ் டிஸ்டல்லரீஸ்' தயாரிப்பு மதுவகையான மானிட்டர் பிராந்தி ஒரு குவாட்டர் விலை 57 ரூபாயாக இருந்தது. தற்போது "டீலக்ஸ் மானிட்டர்' என பெயர் மாற்றம் செய்யப்பட்டு, 59 ரூபாயாக விலை நிர்ணயிக்கப்பட்டுள்ளது.அதே போல், 115 ரூபாய்க்கு விற்று வந்த மானிட்டர் "ஆப்' தற்போது டீலக்ஸ் என்ற பெயரில் 120 ரூபாய்க்கு
விற்பனை செய்யப்படுகிறது. "மானிட்டர் விஸ்கி' ரகமும் விலை ஏற்றம் செய்யப்பட்டுள்ளது. மற்ற கம்பெனிகளும் பழைய மது ரகங்களின் சப்ளையை படிப்படியாக நிறுத்தி வருகின்றன.இவ்வாறு பழைய மது ரகங்களை நிறுத்திவிட்டு, பழைய பெயருடன் "டீலக்ஸ்' என்று சேர்த்து, விலையை அதிகரித்து விற்கும் தந்திரத்தை செய்யவுள்ளதாகக் கூறப்படுகிறது. இவ்வாறு, குவாட்டருக்கு இரண்டு ரூபாய் முதல் ஐந்து ரூபாய் வரை திடீர் என விலை
அதிகரிக்கப்பட்டுள்ளது.

மூலப்பொருட்களின் விலை ஏற்றத்தைக் காரணம் காட்டி, மது வகை விலையை அதிகரிக்க வேண்டும் என மதுபான உற்பத்தியாளர்கள் கோரிக்கை விடுத்ததாகவும், அரசு அனுமதிக்காததால் இந்தப் பெயர் மாற்றத் தந்திரம் பயன்படுத்தப்படுவதாகவும் கூறப்படுகிறது."டாஸ்மாக்' நிர்வாகம் இப்படி நூதனமாக விலையை உயர்த்தியுள்ளதால் குடிமகன்கள் அதிருப்தி அடைந்துள்ளனர்.

பணக்காரர் - ஏழைகள் இறப்பு இடைவெளி 40 ஆண்டு

புதுடில்லி: பணக்காரர்கள் அதிக ஆண்டுகள் உயிர் வாழ்கின்றனர்; ஏழைகள் முன்னதாகவே இறக்கின்றனர். பணக்காரர்கள் - ஏழைகள் இறப்பு இடைவெளி 40 ஆண்டுகள்! - உலக சுகாதார அமைப்பு மேற்கொண்ட ஆய்வில் இந்த தகவல் தெரியவந்துள்ளது. பல நாடுகளில் எடுக்கப்பட்ட சர்வேயில் தெரியவந்த தகவல்கள்: ஜப்பானியர் தான் அதிக ஆண்டுகள் வாழ்கின்றனர்; இவர்களின் சராசரி அதிகபட்ச ஆயுள் 81 ஆண்டு ஆறு மாதம். மிகவும் குறைவான ஆண்டுகள் வாழ்பவர்கள் ஜாம்பியா மக்கள். இவர்களின் சராசரி வாழ்நாள் 32 ஆண்டுகள் எட்டு மாதங்கள். உலக நாடுகளில் நடத்தப் பட்ட சர்வேயின் அடிப்படையில் பார்த்தால், சர்வதேச அளவில் மக்களின் சராசரி வாழ்நாள் 67 ஆண்டுகள். இந்தியாவில், இந்த சராசரி வாழ்நாள் 63 ஆண்டு. ஆண்களுக்கு சராசரி வாழ்நாள் 62; பெண்களுக்கு 64 ஆண்டு.

ஏழை மக்களுக்கு அரசு சுகாதார செலவுகளை செய்வதில் நாட்டுக்கு நாடு வித்தியாசப்படுகிறது. ஒருவருக்கு குறைந்தபட்சம் ஆண்டுக்கு 800 ரூபாய் செலவு செய்யப்படுகிறது. ஏழை நாடுகளில் உள்ள நிலை இது. அதுவே, பணக்கார நாடுகளில் அதிகபட்சமாக ஒருவருக்கு செலவிடப்படும் ஆண்டு தொகை மூன்று லட்சம் ரூபாய். ஆனால், இப்போதுள்ள பொருளாதார நெருக்கடி சூழ்நிலையில், பணக்கார நாடுகளிலும் ஏழைகளுக்கு ஒதுக்கப்படும் சுகாதார செலவு குறைந்துவருகிறது. அரசு உதவி பெறாமல், தாங்களாகவே சுகாதார செலவுகளை செய்யும் ஏழை, நடுத்தர மக்களின் எண்ணிக்கை 560 கோடி. அரசு உதவி குறைவதால், இவர்களின் எண்ணிக்கை 10 கோடி அதிகரிக்கும் என்று கணக்கிடப்பட்டுள்ளது. இந்தியாவில் சுகாதாரத்துக்கு அரசு செய்யும் செலவை விட, மக்களில் அவரவர் தங்கள் பட்ஜெட்டில் செலவு செய்வது தான் அதிகம். அரசின் மொத்த சுகாதார செலவு, மொத்த உள்நாட்டு உற்பத்தி அளவில் வெறும் ஒரு சதவீதம் தான். ஆனால், மக்கள் செலவு செய்வது, மொத்த உள்நாட்டு உற்பத்தியில் 5 சதவீதம் என்பது குறிப்பிடத்தக்கது. தாய், சேய் நல சுகாதார திட்டங்களை செயல்படுத்துவதில், இந்தியா, அதற்கு நிகரான பொருளாதார நாடுகளை விட பின்தங்கியுள்ளது. இந்தாண்டு, உலகம் முழுவதும் 13 கோடியே 60 லட்சம் பெண்கள், குழந்தை
பெறப்போகின்றனர். அவர்களில் ஐந்து கோடியே 80 லட்சம் பேருக்கு தாய், சேய் நல உதவிகள் கிடைப்பதில்லை. பல நாடுகளில் அதற்கு போதுமான நிதி இல்லை.

இந்தியாவில், 43 சதவீத பெண்களுக்கு சுகாதார உதவியை அரசால் கொடுக்க முடியாத நிலையில் நிதி பற்றாக்குறை உள்ளது. இவர்கள் தாங்களே செலவு செய்து கொள்வதுடன்,போதுமான சுகாதார வசதிகளை பெற முடியாமல் கஷ்டப்படுகின்றனர். இந்தியாவை பொறுத்தவரை, நகரங்களில் வாழும் பெண்களில் 75 சதவீதம் பேர் சுகாதார வசதிகளை பெறுகின்றனர்; கிராமங்களில் உள்ள பெண்களில் 39 சதவீத பேருக்கு தான் சுகாதார வசதி கிடைக்கிறது. இன்னமும் கூட, 59 சதவீத பெண்கள்,வீட்டில் தான் பிரசவம் பார்த்துக்கொள்ள வேண்டிய நிலையில் உள்ளனர். இப்படிப்பட்ட நிலை, இந்தியாவில் மட்டுமல்ல, ஆப்ரிக்க நாடுகளில் பலவற்றில் உள்ளது. கென்யாவில் ஐந்து வயதுக்கு கீழ் இறக்கும் குழந்தைகள் எண்ணிக்கை அதிகம்.

புஷ்டியான குழந்தைகள் அழகா ஆபத்தா

சத்துணவு பற்றாக்குறையால் ஒருபுறம் நோய்கள் அதிகரித்து வரும் நிலையில், மறுபுறம் உடல் உழைப்பில்லாமல் உட்கொள்ளும் சத்தான
உணவால் ஏற்படும் நோய்களும் அதிகரித்து வருகின்றன. உணவு பஞ்சத்தால் ஏற்பட்ட நோய்களை சமாளிப்பதை விட, இன்று உடல் உழைப்பு இல்லாததால் ஏற்படும் நோய்களை சமாளிப்பது பெரும் சவாலாக உருவெடுத்துள்ளது. நாடு சுதந்திரம் அடைந்து அறுபது ஆண்டுகள் முடிந்துவிட்டாலும், சமச்சீரான சத்துணவை அனைத்து மக்களுக்கும் சீராகக் கொண்டுசெல்வதில் இன்னும் பின்தங்கியே உள்ளது. இதனால் வசதி மிக்க மக்கள் அதிக ஊட்டச்சத்தால் ஏற்படும் நோய்களாலும், வசதி இல்லாதவர்கள் ஊட்டச்சத்து குறைபாட்டால் ஏற்படும் நோய்களாலும் தவிக்கின்றனர்.

எதனால் குறைபாடு? : அரிசி, கோதுமை ஆகியவை தட்டுப்பாடு இல்லாமல் கிடைத்தாலும், பருப்பு வகை விளைச்சலில் பற்றாக்குறை உள்ளது. தவிர, சோளம், கம்பு, ராகி உள்ளிட்ட பிற தானிய உற்பத்தி அதல பாதாளத்துக்கு சென்று விட்டது. வயதானோர் எண்ணிக்கை அதிகரித்து வருவதால், குடும்ப உறுப்பினர் எண்ணிக்கை அதிகரிக்கிறது. நகரத்தில் வசிக்கும் மக்கள்தொகையும் 40 சதவீதம் வரை அதிரித்துள்ளது. இதனால் குழந்தைகள் உள்ளிட்ட பிறருக்கு சரிவிகித சத்துணவு முழுமையாகக் கிடைப்பதில்லை. நமது முன்னோர் இயற்கையாக விளைவித்த காய்கறிகள், பழங்கள், விளைபொருட்களால் ஆன உணவை உண்டனர்; பல மைல் தூரம் காலாற நடந்ததால் உடலில் கொழுப்பும் இனிப்பும் சேராமல் நீண்ட நாள் ஆரோக்கியமாக வாழ்ந்தனர். இன்றைய வேகமான நகர வாழ்க்கையில் வாகனங்களில் பயணிப்பது அதிகரித்து விட்டது; உடல் உழைப்பே இல்லாமல் போய் விட்டது. கிடைத்ததை உண்டு பறக்கும் அவசர வாழ்க்கை முறை நோய்களை வரவேற்கிறது. பெற்றோரின் தவறான வாழ்க்கை முறைக்கு குழந்தைகளும் பலிகடா ஆக்கப்படுகின்றனர்.

புஷ்டியால் ஆபத்து: பீசா, பப்ஸ், பர்கர், நூடுல்ஸ், சிப்ஸ் போன்ற "பாஸ்ட் புட்' உணவுக்கு அடிமையாகி வரும் குழந்தைகள், வயதை மீறிய உடல்வாகுடன் வலம் வருகின்றனர். இதை உணராத பெற்றோர், தங்கள் குழந்தைகள் அதிக புஷ்டியாக வளர்வதாக மகிழ்கின்றனர் பெற்றோர் சிலர் இன்னும் ஒருபடி மேலே போய் "கொழுகொழு குழந்தை' போட்டிகளில் தங்கள் குழந்தைகளை பங்கேற்கச் செய்து பெருமைப்படுகின்றனர். இவர்களுக்கு அதிர்ச்சி அளிக்கும்
விதமாக, "சிறு வயதில் வயதுக்கு மீறிய எடையுடன் உள்ள குழந்தைகளுக்கு எதிர்காலத்தில் இருதய நோய், சர்க்கரை நோய், சிறுநீரக கோளாறுகள் வர வாய்ப்புள்ளது' என்று டாக்டர்கள் எச்சரிக்கின்றனர். வளரும் தலைமுறையை நோயாளிகளாக மாற்றி வரும் இன்றைய உணவு முறையின் அபாயம் பற்றி, கோவை, அவிநாசிலிங்கம் மகளிர் பல்கலையில் ஆராய்ச்சிகள் மேற்கொள்ளப்பட்டுள்ளன. ஆய்வு குறித்து துறைத் தலைவர் பிரேமகுமாரி கூறுகையில், ""அதிகச் சத்து பிரச்னை, வசதியான பெற்றோருக்கு பிறக்கும் குழந்தைகள் மத்தியில் மட்டுமே உள்ளது. சராசரி எடையை விட 10 சதவீதம் அதிக எடையுள்ள குழந்தைகள் "ஓவர் வெயிட்' குழந்தைகளாகவும், 20 சதவீதம் அதிக எடை உள்ள குழந்தைகள் "ஒபிசிட்டி' குழந்தைகளாகவும் கருதப்படுகின்றனர்,' என்றார்.

ஊளைச்சதை வேண்டாம்: சத்துக் குறைபாடுள்ள குழந்தைகள் குறித்து உலக சுகாதார கழகம் ஆய்வு நடத்தியது. இந்தியாவில் நடத்தப்பட்ட ஆய்வில் 12.4 சதவீத சிறுவர்கள் ஊளைச்சதை (ஒபிசிட்டி) பிரச்னையால் பாதிக்கப் பட்டுள்ளது தெரிய வந்தது. அவிநாசிலிங்கம் பல்கலையின் உணவு அறிவியல் மற்றும் ஊட்டச்சத்துத் துறை பேராசிரியர்கள் கல்பனாவும் லட்சுமியும், கோவையில் 20 தனியார் பள்ளிகளில் படிக்கும் 10 முதல் 12 வயது வரையிலான 9,000 குழந்தைகளின் உணவுப் பழக்கங்கள் குறித்து ண்மையில் ஆய்வு நடத்தினர். இதில் 9 சதவீத குழந்தைகள் அதிக எடையுடனும், 7 சதவீத
குழந்தைகள் "ஒபிசிட்டி' பிரச்னையுடன் தவிப்பதும் கண்டறியப்பட்டது.

இது குறித்து பேராசிரியர் கல்பனா கூறியதாவது: குழந்தைகளின் உடல் ஆரோக்கியம் தொடர்பான பிரச்னைகளுக்கு பெற்றோரே முழுக் காரணம். குழந்தை கேட்பதை எல்லாம் வாங்கிக் கொடுக்கின்றனர்; குழந்தைகளை தேர்வுக்கு தயார் செய்வதில் மட்டுமே கவனம் செலுத்துகின்றனர். பள்ளியில் இருந்து வீடு திரும்பும் குழந்தைகளை விளையாட அனுமதிப்பதில்லை. "டிவி'
பார்க்கும் தங்களை தொந்தரவு செய்யாமல் இருக்க, குழந்தைகளின் கைகளில் நொறுக்குத் தீனி திணித்து கம்ப்யூட்டர், வீடியோ கேம்ஸ் விளையாட்டுகளில் ஈடுபடுத்துகின்றனர். உடல் உழைப்பு இல்லாத இக்குழந்தைகள் வயதுக்கு மீறிய எடையுடன் வளர்கின்றனர். நடுத்தரக் குடும்பங்கள் மற்றும் வசதியான குடும்பங்களை சேர்ந்த குழந்தைகளுக்குதான் இந்த பாதிப்பு அதிகமாக ஏற்படுகிறது. தினமும் குழந்தைகளை ஒரு மணி நேரம் சுதந்திரமாக விளையாட அனுமதிப்பதே இப்பிரச்னைக்கு தீர்வு. இவ்வாறு கல்பனா கூறினார்.

உணவின் இன்னொரு பக்கம்: ஊட்டச் சத்து குறைபாடு காரணமாக இன்றைய பள்ளிக் குழந்தைகளில் "உயரத்துக்கு ஏற்ற எடையின்மை', "வயதுக்கேற்ற வளர்ச்சியின்மை' ஆகிய இரு குறைபாடுகளும் அதிகரித்து வருவதும், 70 சதவீத "டீன் ஏஜ்' மாணவர்களுக்கு ரத்த சோகை, அயோடின் குறைபாடு உள்ளதும் கண்டறியப்பட்டுள்ளது. ஏழு ஆண்டுகளுக்கு முன் உயரத்துக்கு ஏற்ற எடை இல்லாதவர்களின் எண்ணிக்கை 16 சதவீதமாக இருந்தது; இன்று 19 சதவீதமாக உயர்ந்துள்ளது. 12 முதல் 60 மாதம் வரையுள்ள குழந்தைகளில் 50 முதல் 60 சதவீதத்தினர் எடைக்குறைவாக உள்ளனர்.
குழந்தைப் பருவத்திலிருந்து தொடரும் ஊட்டச்சத்து குறைபாடு, அடிக்கடி ஏற்படும் நோய்த் தொற்று ஆகியவை இதற்கான முக்கிய காரணங்கள்.

நுண்ணூட்டச் சத்து குறைபாடு: இன்று நாடு சந்திக்கும் முக்கிய பிரச்னை நூண்ணூ ட்டச் சத்து குறைபாடு. சத்து குறைவால் எடைக் குறைவான குழந்தை பிறப்பு, குறைந்த செயல்திறன், தொற்றுநோய் பாதிப்பு, கருச்சிதைவு, மூளை வளர்ச்சி, பார்வைக் குறைபாடு போன்ற பாதிப்புகள் ஏற்படுகின்றன. நாட்டின் 321 மாவட்டங்களில் நடத்திய ஆய்வில், 260 மாவட்டங்களைச் சேர்ந்த 10 சதவீதத்துக்கு அதிகமானோர் "காய்ட்டர்' நோயால் பாதிக்கப்பட்டுள்ளது தெரிய வந்துள்ளது. அதேசமயம், வசதி படைத்தவர்கள் அதிக ஊட்டச்சத்து உணவு உண்பதால் ஏற்படும் பிரச்னைகளில் சிக்கித் தவிக்கின்றனர். தொந்தி பிரச்னை சமீபகாலமாக குழந்தைகளையும் பாடாய்ப் படுத்தி வருகிறது. இந்தியாவில் இன்று 30 சதவீத குழந்தைகள் "ஒபிசிட்டி' பிரச்னையில் சிக்கித் தவிப்பதாக, டில்லி நிறுவனம் நடத்திய ஆய்வில் தெரிய வந்துள்ளதாக, கோவையை சேர்ந்த உணவு மற்றும் "பிட்னஸ்' சிகிச்சை டாக்டர் அசன் முகமது கூறுகிறார். ""முன்பு பெண் குழந்தைகள் 15 வயதுக்குப் பின்னரே
பூப்பெய்து வந்தனர். நொறுக்குத் தீனிகளுக்கு அடிமையாகும் இன்றைய பெண் குழந்தைகள், குழந்தைத் தன்மை முழுமையாக விலகாத பத்து வயதுக்குள்ளேயே பூப்பெய்து விடுகின்றனர். இப்பருவத்திலேயே ஹார்மோன் உற்பத்தி துவங்கி விடுவதால், 20 வயதிலேயே உடல் எடை அதிகரித்து நோய்களுக்கு ஆளாகின்றனர்; 25 வயதில் 50 வயது பெண்ணுக்கான தோற்றம் வந்து விடுகிறது. இது உடல் ஆரோக்கியத்தையும் திருமண வாழ்க்கையையும் கடுமையாக பாதிக்கும்,'' என்கிறார் டாக்டர் முகமது அசன்.

"ஒபிசிட்டி'யை கண்டுபிடிப்பது எப்படி?:
ஒருவர் தனது உயரத்துக்கு ஏற்ற எடையுடன் இருக்க வேண்டும். உடல் எடையை (கிலோ) உயரத்தின் (மீட்டர்) இரு மடங்குடன் வகுத்தால் "பாடி
மாஸ் இண்டெக்ஸ்' (பி.எம்.ஐ) தெரிந்து விடும். பி.எம்.ஐ. 25 க்கு குறைவாக இருந்தால் நார்மல்'; 25 முதல் 27 க்குள் இருந்தால் அதிக எடை; 27 முதல் 30க்குள் இருந்தால் உங்கள் உடல் ஊளைச்சதையின் ஆதிக்கத்தில் சிக்கி விட்டது என பொருள். பொதுவாக ஆண்களின் வயிறு திருமணத்துக்குப் பின்பும், பெண்களின் வயிறு குழந்தை பிறந்த பின்பும் பெருத்து விடுகிறது. வயிறு, இடுப்புச் சுற்றளவு அதிகரிப்பதுதான் ஆபத்து நெருங்குவதன் அறிகுறி. ஆண்களின் இடுப்புச் சுற்றளவு 37-40 இன்ச் வரையும், பெண்களின் இடுப்பு
32-35 இன்ச் வரையும் இருந்தால் கவலை இல்லை. இந்த அளவு கூடினால் ஆபத்துதான். நேராக நின்றபடி உங்கள் பாதத்தை உங்களாலேயே பார்க்க முடியவில்லை என்றால், நீங்கள் டாக்டரை பார்க்க வேண்டும் என பொருள்

சம்பாதிக்கும் பெண்களால் ஆபத்து: அதிகரித்து வரும் ஊளைச்சதை பிரச்னைக்கு, குடும்ப வருவாய் உயர்ந்துள்ளதும் காரணம். 20 ஆண்டுகளுக்கு முன் வரை பெண்கள் வேலைக்கு செல்வது அபூர்வமாக இருந்த நிலை இன்று மாறி விட்டது. நகரங்களில் வசிக்கும் பெண்களில் 70 சதவீதத்தினர் வேலைக்கு செல்பவர்களாக உள்ளனர். உட்கார்ந்த இடத்திலேயே வேலைகளில் ஈடுபடும் இளம் பெண்கள் உடல் பருத்து, நாற்பது வயது அம்மணிகள் போல் மாறி வருகின்றனர். இவர்களுக்கு பணம் ஒரு பிரச்னை இல்லை என்பதால் வார இறுதி நாட்களில் ஓட்டலில் சாப்பிடுவதை விரும்புகின்றனர். இப்பழக்கம் அவர்களின் குழந்தைகளையும் தொற்றுகிறது. ஒட்டுமொத்த குடும்ப உறுப்பினர்களும் ஓட்டல் உணவு ருசிக்கு அடிமையாகி, அதிக உடல் எடை பிரச்னைகளால் அவதிப்படுகின்றனர்.

என்னதான் தீர்வு?: சரிவிகித சத்துணவு பற்றி ஒரு குடும்பத்தில் முதலில் பெண் அறிந்திருக்க வேண்டும்; பெண் கல்வியை ஊக்குவிக்க வேண்டும்.

குழந்தை பிறந்தவுடன் சுரக்கும் தாய்ப்பாலில் நோய் எதிர்ப்பு சக்தி அதிகம் உள்ளதால், குறைந்தபட்சம் ஓராண்டு வரை தாய்ப்பால் புகட்டுவது முக்கியம்.

குழந்தைகளுக்கு தடுப்பூசிகளை தவறாமல் போட வேண்டும். வீட்டு உணவில் வாரம் இருமுறை கீரை சேர்க்க வேண்டும். அயோடின் கலந்த உப்பை மட்டுமே பயன்படுத்த வேண்டும்.

தவறாமல் உடற்பயிற்சி, நடைப்பயிற்சிகள் செய்ய வேண்டும். நிறைய தண்ணீர் குடிக்க வேண்டும்.