தேனி மாவட்டம் குச்சனூரில் சனீஸ்வர பகவான் கோயில் உள்ளது. இங்கு சுயம்பு வடிவத்தில் சனி பகவான் பக்தர்களுக்கு காட்சி அளிக்கிறார். இங்கு ஆண்டுதோறும் ஆடி மாத சனிக்கிழமைகளில் சிறப்பு வழிபாடு நடைபெறுகிறது. இக்கோயிலில் சோணை கருப்பணசாமிக்கு தனி சன்னதி அமைந்துள்ளது. ஆடி மாதம் 4வது சனிக்கிழமையில் சனீஸ்வரருக்கு பூஜை நடைபெறும். அதற்கு மறுநாள் சோணை கருப்பணசாமிக்கு இரண்டு நாள் விழா நடைபெறும். அதன்படி கடந்த 9ம் தேதி மாலை சோணை கருப்பணசாமிக்கு விழா தொடங்கியது. நேற்று முன்தினம் மாலையில் சோணை கருப்பணனுக்கு செய்முறை விழா தொடங்கியது. இதில் பக்தர்கள் 2 ஆயிரம் மதுபாட்டில்களை செய்முறையாக (காணிக்கை) வழங்கினர். மதுபாட்டில்களை வழங்கும் பக்தர்களின் பெயர், ஊர், மதுபான அளவு போன்றவை குறித்தும் கோயில் நிர்வாகத்தினர் செய்முறை நோட்டில் எழுதி வைத்தனர். இந்த மதுபானங்களை கோயில் மூலஸ்தானத்தில் அடுக்கி வைத்து சாமிக்கு படையல் போட்டு பூஜை நடந்தது. பின்னர் கோயிலில் வாணவேடிக்கை நடந்தது. தொடர்ந்து கோயில் கதவுகளை சாத்திக் கொண்டு சாமியின் முன்புறம் உள்ள ஒரு சிறிய குடுவையில் ஒவ்வொரு பாட்டிலாக உடைத்து ஊற்றினர். இதில் ஊற்றப்படும் மதுபானம் எங்கு செல்கிறது என்பதை யாரும் அறிய முடியவில்லை. இந்த பூஜை நேற்று அதிகாலை வரை நடந்தது. விழாவுக்காக தமிழகத்தின் பல்வேறு பகுதிகளில் இருந்தும் பக்தர்கள் மது பாட்டில்களுடன் குவிந்தனர்.
முஸ்லிம் இனத்தவர்களின் புனித தலமான மெக்காவில் உள்ள பிரமாண்டமான மசூதியில் உலகின் பெரிய கடிகாரம் பொருத்தப்பட்டு உள்ளது. இதற்கான சோதனை ஓட்டம் நடைபெற்று வருகிறது. புனித மாதமான ரம்ஜான் மாதத்தின் முதல் வாரத்தில் இது முறைப்படி இயக்கி வைக்கப்படும். நான்கு பக்கமும் கடிகாரம் இயங்கும் என்பது இதன் கூடுதல் சிறப்பு. 601 மீட்டர் உயரம் உள்ள கடிகார டவரில் பொருத்தப்பட்டுள்ள இந்த கடிகாரத்தின் உயரம் மட்டும் 251 மீட்டர் ஆகும். இஸ்லாமிய பாரம்பரிய கலையை வெளிப்படுத்தும் வகையில் இது வடிவமைக்கப்பட்டுள்ளது.
பஸ், ரயில் நிற்பதற்குள் படியில் இருந்து குதிக்கும் பயணி போலிருக்கிறது. பழக்கதோஷத்தில் விமானம் நிற்பதற்குள் லக்கேஜை எடுக்க முயன்று, ஊழியரின் தலையில் இடித்தார். ‘சாரி’ சொல்லாமல் தன்னையே திட்டியதால் வெறுத்த ஊழியர், விமானத்தை மட்டுமின்றி வேலையிலிருந்தே இறங்கிச் சென்று விட்டார்.
சென்னையில் தனியார் மருத்துவமனையில் தவறான சிகிச்சையாலும், அரசு பொது மருத்துவமனையின் மெத்தன போக்காலும் ஏழை இளம்பெண் ஒருவர் உயிருக்கு போராடிய நிலையில் உள்ளார்.
